Audi S4
Die Audi S4 is die hoëprestasiemodel van Audi se kompakte uitvoerende motor, die A4. Die oorspronklike Audi S4, gebou van 1991 tot 1994, was 'n prestasie-georiënteerde weergawe van Audi se 100 sedan. Alle daaropvolgende S4s, sedert 1997, is gebaseer op die Audi A4; en wanneer die A4 ontwikkel het van een geslag na die volgende, so het die S4 ook.
 2010 Audi S4 (B8) | |
| Oorsig | |
|---|---|
| Vervaardiger | Audi AG |
| Produksie | C4: 1991-1994, B5: 1997-2002, B6: 2003-2005, B7: 2005-2008, B8: 2009-huidig |
| Montering | Ingolstadt, Duitsland |
| Bakwerk en onderstel | |
| Klas | Kompakte uitvoerende motor, Sportsedan |
| Uitleg | inlyn, voorgemonteerde enjin "quattro" vierwieldryf |
| Plek in geskiedenis | |
| Variante | Audi A4 Audi RS4 |
'n Kragtiger binnebrandenjin, groter opgegradeerde remme, stywer vering, groter wiele, en kenmerkende plaatmetaal, stileringleidrade en kenteken was nog altyd onder die baie opgraderings wat die S4 ontvang het bó die hoofstroom 100s en A4s. In markte waar die selfs hoër-prestasie Audi RS4 nie aangebied word nie, is die S4 die top-van-die-reeks in die A4-familie.
Soos sy gewone A4 eweknie, het al die S4 variante inlyn, voorgemonteerde enjins. 'n Enkele turbo 2.2 liter inlynvyfsilinder dryf die oorspronklike C4 weergawe aan, en 'n 2.7 liter dubbelturbo-aangejaagde V6-enjin is in die B5 geslag te vinde. Die B6 en B7 weergawes het 'n gemeenskaplike 4.2 liter V8-enjin, die eerste keer dat 'n V8-enjin in 'n kompakte uitvoerende motor gemonteer is, plaas dit in direkte kompetisie met die BMW M3 wat destyds 'n 3.2 L inlyn-6 gehad het. Die onlangs-bekendgestelde B8-geslag gebruik 'n superaangejaagde 3.0 liter V6 TFSI-enjin en kompeteer met die BMW 335i.