Augiasstalle

In antieke Griekse verhale is die Augiasstalle die smerige geboue waar Augias duisende beeste aangehou het, wat Herakles (Hercules) moes skoonmaak. Die uitdrukking "om die Augiasstalle te reinig" word soms nog gebruik om 'n moeilike en onaangename taak te beskryf.

Hercules maak die stalle van Augias skoon deur twee riviere te herlei.

Koning Augias het die grootste kudde beeste in die land gehad, waaronder drieduisend osse. Na dertig jaar was die stalle egter heeltemal bemis. Augias gee Herakles opdrag om die stalle in een dag skoon te maak. Hy herlei twee riviere, die Alpheüs en die Peneos, om deur die stalle te vloei. Die stroom water wat daardeur ontstaan het, het al die mis weggespoel. Op die manier is die stalle in een dag gereinig en vervul Herakles die vyfde van sy twaalf take.

Ná Herakles se sukses was Augias woedend, omdat hy Herakles 'n tiende van sy land as beloning beloof het. Hy kom egter nie sy belofte na nie. Hiervoor maak Herakles vir Augias dood, waarna hy die koninkryk aan Phyleus, Augias se seun, gee. Phyleus is voor dit deur sy vader vir sy steun aan Herakles verban. Nadat Herakles hom laat betaal, bevind Eurystheus dat hy nie die werk goed uitgevoer het nie, en moes Herakles 'n verdere taak verrig. Aanvanklik moes Herakles 10 take uitvoer, maar hy kry hulp om die Hidra (waterslang) dood te maak, en tel dit dus ook nie.