Badih Chaaban
Badih Chaaban (ca. 1960 - 4 September 2017)[1][2] was 'n raadslid in die Kaapstadse stadsraad (subraad 17: Athlone, Crawford, Penlyn Estate, Hanover Park, en Manenberg).[3] Hy was 'n lid van die Afrika Moslem Party (AMP) toe hy in Augustus 2006 as raadslid aangewys is, maar het later die vloer oorgesteek om die National People's Party (NPP) te stig wat hy as president gelei het. In November 2015 kondig hy aan dat hy van plan is om uit die politiek te bedank en NPP-leierskap aan sy dogter oor te gee.
| Badih Chaaban | |
Persoonlike besonderhede
| |
|---|---|
| Gebore | ca. 1960 |
| Sterf | 4 September 2017 |
| Politieke party | Afrika Moslem Party National People's Party |
| Religie | Islam |
Chaaban was omstrede vir sy rol in die vloeroorsteekpolitiek in Kaapstad en ook vir die huurkontrak wat hy op Groentemarkplein gehad het. Vir 15 jaar van 1992 tot 2007 het hy 'n huurkontrak op 83% van die plein gehad en die stad R3,3 miljoen geskuld.[4] Sy huurkontrak is in 2007 gekanselleer te midde van beskuldigings van wanbestuur, rampokkery en korrupsie.[5]
Chaaban veroorsaak amper die ineenstorting van die koalisieregering in Kaapstad met sy dreigement dat as hy nie as hoof van openbare tenders vir die Sokkerwêreldbeker 2010 aangestel word nie, hy die Afrika Moslem Party uit die koalisieregering sou onttrek en die koalisie sodoende in opposisie in die provinsiale wetgewer sou bring.[6] Die toenmalige koalisieleier, Kaapstadse burgemeester Helen Zille, het geweier om aan sy eis te voldoen en het Chaaban afgedank.[6] Die aansluiting van die Onafhanklike Demokrate (OD) by die koalisieregering het verhoed dat die koalisie die opposisie in die wetgewer word.[6]
Chaaban is op 4 September 2017 oorlede.
Verwysings
wysig- ↑ Schroeder, Fatima; Dentlinger, Lindsay (6 Augustus 2008). "Chabaan and wife divorce, then have dinner" [Chabaan (sic) en vrou skei, eet daarna aandete]. IOL (in Engels). Geargiveer vanaf die oorspronklike op 3 Oktober 2017.
- ↑ Morris, Michael (10 September 2017). "'I've lived life to the fullest'" ['Ek het voluit geleef']. Weekend Argus (in Engels). Geargiveer vanaf die oorspronklike op 9 Junie 2020.
- ↑ "About subcouncil 17" [Aangaande subraad 17]. Stad Kaapstad (in Engels). Geargiveer vanaf die oorspronklike op 3 November 2019. Besoek op 8 Junie 2020.
- ↑ "Cape Town plans new life for 'tired' Greenmarket Square" [Kaaptad beplan nuwe lewe vir "moeë" Groentemarkplein]. yourproperty.co.za (in Engels). Geargiveer vanaf die oorspronklike op 6 September 2017. Besoek op 19 November 2016.
- ↑ Ferreira, Anton. "Cops to Chaaban: It ain't your square no more" [Polisie aan Chaaban: Dit is nie meer jou plein nie]. Times LIVE (in Engels). Geargiveer vanaf die oorspronklike op 6 September 2017. Besoek op 19 November 2016.
{{cite web}}:|archive-date=/|archive-url=timestamp mismatch (hulp) - ↑ 6,0 6,1 6,2 Zille, Helen (5 Junie 2020). "Herman Mashaba: The man who betrayed his voters" [Herman Mashaba: Die man wat sy kiesers verraai het]. politicsweb (in Engels). Geargiveer vanaf die oorspronklike op 8 Junie 2020.
Bronne
wysig- "ID Challenge Zille Over Appointment Of New Councillor Badih Chaaban" [OD daag Zille uit oor aanstelling van nuwe raadslid Badih Chaaban]. Onafhanklike Demokrate (in Engels). 8 Augustus 2006. Geargiveer vanaf die oorspronklike (Persverklaring) op 16 Mei 2011.
- "Battle hots up over the future of Greenmarket square" [Stryd verskerp oor die toekoms van Groentemarkplein]. Cape Times (in Engels). 8 Augustus 2006. Geargiveer vanaf die oorspronklike (Nuusberig) op 26 September 2006.
- Dentlinger, Lindsay (16 November 2007). "Dyantyi orders fresh probe against Badih" [Dyantyi beveel varss ondersoek na Badih] (Nuusberig). IOL (in Engels).
- De Lange, Deon; Smook, Ella (1 November 2007). "Zille instigated probe into Badih Chaaban" [Zille het ondersoek na Badih Chaaban aangehits] (Nuusberig). IOL (in Engels).