Bajonet

'n Bajonet (geweerdolk) is 'n mes- of dolkvormige gevegsswapen wat ontwerp is om op of oor die loop van 'n geweer of ander vuurwapen gemonteer te word, wat dit in staat stel om as 'n spiesagtige wapen gebruik te word. ^[1]

Geskiedenis wysig

In die middel van die sewentiende eeu was daar gereeld konflik in Frankryk. In die tyd het die burgers van die suidelike Franse stad Bayonne hul dolke oor die loop van hul muskette (Frans: mousquet, Duits: muskete) gemonteer om 'n soort lans te maak.

Die voordeel van so 'n veeldoelige wapen het gou duidelik geblyk. Vroeë muskette het nie so 'n hoë tempo van vuur gehad as moderne wapens nie (ongeveer een skoot per minuut) en was onbetroubaar. Die bajonette was derhalwe 'n nuttige toevoeging. Die nadeel was natuurlik dat jy nie meer met 'n musket wat 'n mes oor die loop gemonteer gehad het kon skiet nie. As gevolg hiervan is daar gou modelle ontwikkel wat onder (langs) die loop gemonteer is, wat die loop oop gelaat het om te skiet.

In die 18de en 19de eeu is baie met bajonette geëksperimenteer. Bajonette is selfs tydens die Amerikaanse Burgeroorlog aan pistole geheg, maar dit het geblyk nutteloos te wees. Die beroemde Friedrich Wilhelm von Steuben het die nou reeds bekende bajonetoefeninge in 1776 bekendgestel. Die kapmes het mettertyd die funksie van die bajonet as steekwapen oorgeneem.

Selfs in moderne oorlogvoering word bajonette steeds as 'n steekwapen gebruik. Britse troepe het hierdie wapen byvoorbeeld gebruik tydens die Falklandoorlog en die Irakese oorlog in 2003.

Sien ook wysig

Verwysings wysig

↑ Brayley, Martin, Bayonets: An Illustrated History, Iola, WI: Krause Publications, ISBN 0-87349-870-4, ISBN 978-0-87349-870-8 (2004), pp. 9-10, 83-85

Eksterne skakels wysig

http://www.bajonet.be

Notas wysig

Hierdie artikel is in sy geheel of gedeeltelik vanuit die Nederlandse Wikipedia vertaal.

[BRA-1] Brayley, Martin, Bayonets: An Illustrated History, Iola, WI: Krause Publications, ISBN 0-87349-870-4, ISBN 978-0-87349-870-8 (2004), pp. 9-10, 83-85

[1]