Bakboord

Bakboord is die linkerkant van 'n skip gesien in die normale vaarrigting (d.w.s. as daar in die rigting van die boeg gekyk word). Volgens internasionale konvensie moet seevaartuie 'n rooi lig aan die bakboordkant hê.

Etimologie

Die woord bakboord vind waarskynlik sy oorsprong in oudnoors, die taal van die Wikings. Bak het verwys na die rugkant (let op die Engelse woord back, ook die woord agterbaks in Afrikaans). Die ou Wiking stuurmanne sou na bewering die roer met hulle regterhand vasgehou het, maar sou dikwels dan hulle linkerhande ook moes inspan as meer krag vereis sou word wat dan sou meebring dat hulle met hulle rûe na die linkerkant van die skip sou staan. Boord sou dan afkomstig wees van borða wat plank beteken.

Sien ook

Verwysings

'n Nederlandstalige literatuurwerf wat die etimologie van die woord bakboord bespreek Geargiveer 9 Desember 2007 op Wayback Machine

Eksterne skakels

'n Webwerf deur John Hale met 'n illustrasie van die posisie van die roer en stuurman op 'n Wiking skip