Banghoek

vallei in die westelike voetheuwels van die Groot-Drakensteinberge noord van Stellenbosch, Suid-Afrika

Die Banghoek is ‘n vallei in die westelike voetheuwels van die Groot-Drakensteinberge noord van Stellenbosch.

Ligging wysig

Hierdie kloof skei die Groot-Drakensteinberge van die meer suidelik geleë Jonkershoekberge. Bo die vallei troon die Drakensteinpiek (1490m) en Die Pieke (1494m) uit. Van Stellenbosch noordooswaarts na Johannesdal en Pniel loop die pad bekend as Helshoogte deur die vallei.

Ekonomie wysig

Kylemore en onder andere die bekende wynplase Zorgvliet, Rust-en-Vrede, Molenvliet en Rustenberg is in die dal. Voorheen was die vallei ook bekend om sy pruime en Turkse tabak.

Naam wysig

Francois Valentijn (*Dordrecht, Nederland, 17 April 1666 - †Den Haag, 6 Augustus 1717), ‘n predikant en skrywer oor die Kaap, sowel as Peter Kolbe het die vallei weens die aanwesige leeus, luiperds en ander ongdiertes as ‘n baie gevaarlike plek beskryf. Valentijn skryf: “Wegens de grootheid van ‘t gevaar word de zelve van de borgers en inwoonders de bange hoek genaamt”. Dus is die naam Banhoek (sonder die g) verkeerd.

Bibliografie wysig

  • Burman, Jose: So high the road. Mountain passes of the Western Cape. Kaapstad: Human & Rousseau, 1963