Helshoogte
Helshoogte is 'n bergpas in die Wes-Kaap, Suid-Afrika op die R310-hoofpad oos van Stellenbosch. Die pas is in 1854 gebou en gaan oor die nek tussen die Jonkershoekberge en Simonsberg. Op 378m bo seevlak bereik die pas sy hoogste punt en dit het 'n maksimum steilte van 1:10. Die oorsprong van die naam is onseker, sekere bronne sê die naam is afgelei van die donker en steil kloof waardeur die ou wapad gegaan het terwyl ander sê dit is as gevolg van die helling van die pad.
