Barcelona-stoel
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Barcelona-stoel is 'n stoel wat deur Mies van der Rohe en Lilly Reich ontwerp is,[verwysing benodig] vir die Duitse paviljoen by die Internasionale Uitstalling van 1929. Die uitstalling het in Barcelona, Katalonië, Spanje plaasgevind.
Die stoel is aanvanklik in Villa Tugendhat, 'n privaatwoning, wat deur Mies in Brno (Tsjeggiese Republiek) ontwerp is, gebruik.[1]
Materiale en vervaardiging wysig
Die raamwerk is oorspronklik ontwerp om aanmekaar gebout te word. Die stoel is egter in 1950 herontwerp deur gebruik te maak van vlekvrye staal. Dit het 'n naatlose raamwerk met 'n gladder voorkoms tot gevolg gehad. Beesleer is gebruik om die ivoorkleurige varkvel wat vir die stoffering van die oorspronklike weergawes gebruik is, te vervang.
Filosofie en ergonomie wysig
Hoewel baie argitekte en meubelontwerpers uit die Bauhaus tydperk van voornemens was om goed ontwerpte huise en onberispelik vervaardigde meubels vir 'gewone mense' beskikbaar te stel, was die Barcelona-stoel 'n uitsondering. Dit is vir die Spaanse koninklikes ontwerp, om hulle in staat te stel om toesig te hou oor die openingseremonies van die uitstalling. Die tydskrif Time het die uitstalling en stoel as " 'n wonderlike Duitse paviljoen" beskryf. [2] Die vorm van die Barcelona-stoel is vermoedelik geïnspireer deur 'n Romeinse voustoel, bekend as die Curule-stoel. Dit was gestoffeerde bankies met X-vormige pote, wat deur die Romeinse aristokrasie gebruik is. Ondanks die Barcelona-stoel se industriële voorkoms, verg dit volgens Knoll Inc. heelwat hande arbeid.[3]
Huidige produksie wysig
Sedert 1953 vervaardig Knoll Inc die Barcelona-stoel in chroom en vlekvrye staal. Die stoele word byna volledig met die hand vervaardig,[3] en elkeen het 'n afdruk van Van der Rohe se handtekening, wat in die raamwerk gedruk word.
Namaaksels van oorspronklike Barcelona-stoele word egter ook deur ander vervaardigers wêreldwyd vervaardig, en word onder verskillende bemarkingsname verkoop.[verwysing benodig] [ <span title="This claim needs references to reliable sources. (November 2019)">aanhaling nodig</span> ]
In die populêre kultuur wysig
In sy 1981 boek oor moderne argitektuur, From Bauhaus to Our House, beskryf Tom Wolfe die Barcelona-stoel as 'die Platoniese ideaal van stoele'. Hy skryf dat, ondanks die stoel se hoë prys, die besit daarvan as't ware 'n noodsaaklikheid vir jong argitekte geword het: 'Wanneer jy die heilige voorwerp op die sisaltapyt gesien het, het geweet dat jy in 'n huishouding was waar 'n ontluikende argitek en sy jong vrou alles opgeoffer het om die simbool van goddelike missie in hul huis te bring.' [4]
Sien ook wysig
Bronne wysig
- Sourcebook of Modern Furniture, Third Edition, Jerryll Habegger en Joseph H Osman
- Miles van der Rohe, Aurora Cuito en Cristina Montes
- Bauhaus, Hans Engels en Ulf Meyer
- Modernisme - designing a new world, Christopher Wilk, V&A p. 155
- Oxford Dictionary of Modern Design, Jonathan Woodham
Verwysings wysig
- ↑ Centre, UNESCO World Heritage. "Tugendhat Villa in Brno". UNESCO World Heritage Centre. Geargiveer vanaf die oorspronklike op 18 April 2020.
- ↑ "Art: Architects' Furniture" (in Engels). 18 Februarie 1957. Geargiveer vanaf die oorspronklike op 30 April 2020 – via content.time.com.
- ↑ 3,0 3,1 "Archived copy" (PDF) (in Engels). Geargiveer vanaf die oorspronklike (PDF) op 13 Augustus 2012. Besoek op 14 April 2010.
{{cite web}}: CS1 maint: archived copy as title (link) - ↑ Goldberger, Paul (11 Oktober 1981). "From Bauhaus to Our House". The New York Times (in Engels). Geargiveer vanaf die oorspronklike op 3 November 2017. Besoek op 10 Februarie 2020.
Eksterne skakels wysig
- Foto's van die Barcelona-paviljoen
- 360 grade uitsig op die Barcelona-stoel Geargiveer 26 September 2017 op Wayback Machine