Basilius die Salige
Basilius die Salige (Russies: Василий Блаженный, Wasili Blazjenni), is een van die heiliges van die Russies-Ortodokse Kerk bekend as dwase vir Christus.
| Basilius die Salige | |
|---|---|
 | |
| Gebore | Desember 1468 of 1469, Jelochowo |
| Oorlede | 2 Augustus 1552 of 1557, Moskou |
| Geëer in | Oosters-Ortodokse Kerk |
| Tot heilige verklaar | 2 Augustus 1588, Moskou, deur Patriarg Job van Moskou |
| Nagedagtenis | Sint Basilius-katedraal, Moskou |
| Feesdag | 2 Augustus (nuwe tyd: 15 Augustus) |
| Kenmerke | In toiings geklee of heeltemal nakend |
Hy was die seun van lyfeienes en is in Desember 1468 of 1469 in Jelochowo naby Moskou (nou in Moskou) gebore. Sy pa se naam was Jakob en sy ma s’n Anna.
Hy was oorspronklik ’n leerling-skoenmaker in Moskou en het ’n eksentrieke leefstyl aangeneem deur van winkels te steel en vir die armes te gee. Hy het dikwels nakend rondgeloop en swaar kettings gedra. Hy het Iwan die Verskriklike berispe omdat hy nie in die kerk aandag gegee het nie, asook vir sy wreedaardige optrede teenoor onskuldiges.
Hy is ná sy dood in 1552 of 1557 begrawe in die Sint Basilius-katedraal in Moskou, wat na hom genoem is. Hy is omstreeks 1580 tot heilige verklaar. Sy feesdag is op 2 Augustus volgens die Juliaanse kalender (15 Augustus volgens die Gregoriaanse kalender).
Sien ook
wysigVerwysings
wysig- Attwater, Donald en John, Catherine Rachel. The Penguin Dictionary of Saints. 3de uitgawe. New York: Penguin Books, 1993. ISBN 0-14-051312-4.
Eksterne skakels
wysig- Sint Basillis van Moskou
- Die heilige en salige Basilius, dwaas vir Christus Geargiveer 28 September 2007 op Wayback Machine
Hierdie artikel is vertaal van die Engelse Wikipedia