Bedryfsielkunde

Bedryfsielkunde is 'n vakgebied wat toegespits is op hoe persone in die konteks van 'n organisasie funksioneer. 'n Bedryfsielkundige moet antwoorde vind op vrae soos: Waarom voel iemand aangetrokke tot 'n sekere loopbaan? Hoe keur bedrywe geskikte kandidate? Watter psigologiese toetse word gebruik? Wat motiveer mense in hul werk? Wat bepaal iemand se tevredenheid of ontevredenheid in 'n werkskonteks?

Hierdie rigting bied deur middel van modelle en navorsing die prosesse aan wat binne 'n organisasie afspeel en hoe om hierdie prosesse uiteindelik te verbeter.