Behati Prinsloo

Behati Prinsloo (gebore 16 Mei 1989 in Grootfontein, Namibië) is 'n Namibiese foto- en loopplankmodel. Sy is veral bekend vir haar werk as model vir Victoria's Secret se subhandelsmerk Pink. Sy is getroud met die Amerikaanse musikant en akteur Adam Levine.

Biografie

Sy is op die ouderdom 16 deur 'n fotograaf in 'n supermark in Kaapstad ontdek. Die fotograaf stel aan haar voor om die Storm-modelbestuuragentskap te besoek. 'n Week later het sy die agentskap besoek en foto's is van haar geneem. Sarah Doukas het haar later na Londen geneem vir modelwerk.

Haar foto's word op die voorblad van Italië se Muse tydskrif en die Britse Telegraph Magazine gepubliseer. Sy was meer onlangs op die voorblad van die Russiese Vogue in Februarie 2007, en die American Velvet tydskrif in Junie 2007. Sy word as fotomodel gebruik in advertensieveldtogte deur Adore, Aquascutum, Chanel, H&M, Hugo Boss, Kurt Geiger, Marc by Marc Jacobs, Max Studio, en Nina Ricci. Sy het aan modevertonings vir Prada, Paul Smith, Vera Wang, Marc Jacobs, Proenza Schouler, Versace, Chanel, Missoni en DKNY deelgeneem.

Behati Prinsloo is aangewys as 31ste op die Top 50 Models Women-ranglys en 14de op The Top Sexiest Models-ranglys deur models.com.^[1]

Filmografie

2012: Hawaii Five-0
2015: Taylor Swift: The 1989 World Tour Live

Verwysings

↑ models.com Top 50 models women 21 Julie 2008.

Eksterne skakels

[1] s.com Top 50 models women 21 Julie 2008.

[1]