Ben-Erik van Wyk
Ben-Erik van Wyk (gebore 27 Desember 1956, Bellville) is 'n Suid-Afrikaanse botanikus en professor in plantkunde aan die Universiteit van Johannesburg. Hy is die outeur van verskeie internasionale boeke en 'n kenner op die gebied van medisinale plante. Hy matrikuleer op Calvinia en studeer daarna in bosbou en natuurbewaring aan die Universiteit van Stellenbosch. Hy behaal sy M.Sc in plantkunde, ook aan Stellenbosch en sy Ph.D aan die Universiteit van Kaapstad in 1989. Hy is sedert 1984 'n lektor aan die Universiteit van Johannesburg.
Sy ouers was die kunstenaars Elise Bodley van Wyk en Abraham Jacobus (Appie) van Wyk. Ben-Erik is getroud met Mariana van Wyk, ook 'n botanikus, en hulle het twee kinders, Teodor en Signe.
Die Havengaprys is in 2006 en die M.T. Steynmedalje in 2020 aan hom toegeken.
Die standaard skrywer afkorting B.-E. van Wyk word gebruik om Ben-Erik van Wyk as die skrywer aan te dui wanneer 'n botaniese naam gebruik word.
Sien ook
wysigBronne
wysig- http://www.stellenboschwriters.com/vanwykbe.html
- https://www.uj.ac.za/contact/Pages/Ben-Erik-van-Wyk.aspx
- Gids tot die Aalwyne van Suid-Afrika, Ben-Erik van Wyk & Gideon F. Smith, Briza Publikasies, 2014, ISBN 978-1-920217-39-6