Kaptein Benjamin Moodie (1789 – 1856) was 'n Suid-Afrikaanse pionier en soldaat. Hy is in 1789 in Melsetter op die Orkney-eilande, Skotland gebore. Hy lewer diens in die Ross and Caithness Militia en nadat hy sy familie-eiendom verloor het, besluit hy om 200 Skotse emigrante na die Kaapkolonie te bring. Bygestaan deur die Britse Regering het die geselskap in 1817 in Suid-Afrika aangekom. Driekwart van die groep was werktuigkundiges en die res arbeiders. Moodie het aan elk £20 passaatgeld betaal. Die meeste van hulle het gou werk in Kaapstad en elders gevind, terwyl Moodie homself op die plaas Grootvadersbosch, naby Swellendam, gevestig het. Na die aankoms van die 1820-Setlaars het hy 'n tyd lank aan die Oosgrens deurgebring maar vanweë die onsekere toestande het hy na sy landgoed teruggekeer. Hy is oorlede op 2 April 1856.

Benjamin Moodie

Bron wysig