Berengar van Bayeux

Berengar van Bayeux (sterf in 896) was Graaf van onderskeidelik Bayeux en Rennes en vanaf 886 tot sy dood 'n dekade later markgraaf van die Bretonse Mars.

In 874 het Bretagne se interne politiek in onrus verval toe Salomon van Bretagne deur 'n mededinger gedood is. Die gevolglike oplewing in Wikingaanvalle wat moontlik gemaak is deur die magsvakuum is slegs teruggehou deur 'n haastig saamgeflanste Bretons-Frankiese bondgenootskap tussen Alan I en Berengar. Die "Seine-wikings" het tussen 889 en 890 in Bretagne inbeweeg, kort op die hakke van die Loirevloot wat Alan I en Berengar uitgedryf het (laasgenoemde mag het opgebreek in verskeie klein flottieljes en wes gevaar). Alan I het weer sy magte saamgesnoer met Berengar en twee Bretonse leërs in die veld gestoot. Die Wikings, wat besef het dat hul ontsnaproete langs die Marne af geblok is, het hul skepe oorland gedra na die Vire, en Saint-Lo beleër, waar die Bretonners hul vloot byna geheel en al verwoes het.

Berengar se familie het die eerste Galliessprekende heersers geword om in Bretagne te woon. (Rennes en Penthièvre, eerder as Nantes of Vannes in die Loire-vallei) Dit was die uiteindelike gevolg daarvan dat die Bretonse adel byna uitgeroei is weens die Normandiese invalle van die 880's, en omdat Berengar die streek as beloning ontvang het vir sy dienste teen die Wikings.

Daar word bespiegel dat Berengar getroud is met die dogter van Gurwent van Rennes, waardeur hy die graafskap van Rennes bekom het. Indien wel, maak dit hom die swaer van Judicaël van Bretagne. Sommige is van mening dat hy die vader was van Poppa, wat tydens 'n Wikingaanval gevange geneem is en getroud is met Rollo van Normandïe. Verskeie rekonstruksies maak hom óf vader, óf grootvader, en selfs groot-grootvader van Judicael Berengar, die latere Graaf van Rennes.

Bronne

• Price, Neil (1989). The Vikings in Brittany (PDF). Geargiveer (PDF) vanaf die oorspronklike op 28 Augustus 2021.
• Arthur de la Borderie (1898). Histoire de Bretagne. p. 334.
• Musset, Lucien (1965). Les invasions: le second assaut contre I'Europe Chrétienne.
• Anglo-Saxon Chronicle. 890.

Bewindstitels
Voorafgegaan deur Vakant voorheen gehou deur Gurwent van Rennes	Graaf van Rennes 886-896	Opgevolg deur Judicael Berengar
Voorafgegaan deur Odo I	Markgraaf van Neustrië 886-896	Opgevolg deur Robert I van Frankryk