Dr. Bernard Price (1877 - 1948) was 'n Brits gebore ingenieur en fisikus wat in Londen gebore is. Hy kom in 1909 in Suid-Afrika aan en word aangestel as hoofingenieur van die pasgestigte Victoria Falls and Transvaal Power Company. In 1927 word hy hoofbestuurder van dié maatskappy. Hy was ook die uitvinder van die Merz-Price Differensiaalstelsel vir Outomatiese Diskriminerende Afsluiters.

Bernard Price
Gebore1877
Sterf9 Julie 1948
NasionaliteitVerenigde Koninkryk
BeroepIngenieur
TitelDr.
Die voormalige Bernard Price Instituut vir Paleontologie in Johannesburg.

Hy was ook die president van die Suid-Afrikaanse Instituut van Elektrotegniese Ingenieurs en 'n lid van die raad van die Universiteit van die Witwatersrand. Hy tree in 1936 af en die regering stel hom aan as lid van die Maatskaplike en Ekonomiese Beplanningsraad. Hy was verantwoordelik vir die stigting en nalating van die Bernard Price-Instituut vir Geofisiese Navorsing en vir die groot vooruitgang op die gebied van kragproduksie in die Unie van Suid-Afrika. Hy is op 9 Julie 1948 oorlede.

BronWysig