Universiteit van die Witwatersrand

Die Universiteit van die Witwatersrand is 'n Suid-Afrikaanse multikampus-openbare navorsingsuniversiteit geleë in die noordelike gebiede van die Johannesburgse middestad. Dit is algemeen bekend as net Wits.[1] Dit is die derde oudste Suid-Afrikaanse universiteit in deurlopende operasie, na die Universiteit van Kaapstad (gestig in 1829),[2] en die Universiteit Stellenbosch (gestig in 1866).[3]

Universiteit van die Witwatersrand
University of the Witwatersrand
Die oos-kampus uit die noorde gesien, met die Senaathuis in die agtergrond
Die oos-kampus uit die noorde gesien, met die Senaathuis in die agtergrond

Motto:Scientia et Labore
Motto in Afrikaans:Deur kennis en arbeid
Gestig:1896
Tipe:Openbare universiteit
Kanselier:Dr. Judy Dlamini
Vise-Kanselier:Prof. Adam Habib
Fakulteite:15
Personeel:1 294
Studente:27 934
Voorgraadse studente:18 911
Nagraadse studente:9 023
Ligging:Johannesburg, Gauteng, Suid-Afrika
Koördinate: 26°11′27″S 28°1′49″O / 26.19083°S 28.03028°O / -26.19083; 28.03028
Kampus:2 stedelike en 3 voorstedelike kampusse
Voormalige name:Suid-Afrikaanse Skool vir Mynbou (1896–1904), Transvaalse Tegniese Intsituut (1904-1096), Transvaalse Universiteitskollege (1906–1910), Suid-Afrikaanse Skool vir Mynbou en Tegnologie (1910–1920), Johannesburgse Universiteitskollege (1920–1922)
Kleure:Blou     , goud     
Bynaam:Wits
Gelukbringer:Kudos Kudu
Affiliasies:AAU, ACU, FOTIM, HESA, IAU
Webtuiste:http://www.wits.ac.za/
Die Groot Saal, op die ooskampus, waar gradeplegtigheids seremonies, seremoniële lesings, konserte en ander funksies gehou word.

Dit was tradisioneel die grootste residensiële Engelsmediumuniversiteit in die land toe daar nog 'n duidelike verdeling tussen Afrikaanse en Engelse universiteite was. Die Wet op Uitbreiding van Universiteitsopleiding van 1959 het die registrasie van swart studente beperk, maar ten spyte daarvan het 'n paar swart studente steeds aan die universiteit gegradueer.

Die universiteit het sy oorsprong gehad in die South African School of Mines, wat in 1896 in Kimberley gestig is om te voorsien in die behoefte van die vinnigontwikkelende mynbedryf ná die ontdekking van eers diamante en toe goud.

Dit is in 1903 na Johannesburg verplaas as die Transvaal Technical Institute en in 1906 herdoop tot die Transvaalse Universiteitskollege, wat uiteindelik ontwikkel het in die Universiteit van Pretoria ná afsonderlike klasse daar in 1910 begin het in 'n afsonderlike instelling, wat die naam Transvaalse Universiteitskollege geërf het.

Op 20 September 1920 word die naam South African School of Mines and Technology verander na die University College, Johannesburg. In 1921 het die Parlement 'n wet deurgevoer ingevolge waarvan die kollege met ingang 1 Maart 1922 'n universiteit, met sy huidige naam, geword het. Aanvanklik was daar fakulteite van lettere, wetenskap, geneeskunde (insluitende tandheelkunde), handel, ingenieurswese en regte.

Die eerste kanselier was sy koninklike hoogheid prins Arthur van Connaught, goewerneur-generaal van die Unie van Suid-Afrika, en die eerste rektor was die 28-jarige prof. Jannie Hofmeyr. Die kanselier is op die oomblik Dikgang Moseneke, adjunk-hoofregter van die Grondwethof van Suid-Afrika, en die rektor is Adam Habib.

Die universiteit se sokkerspan Wits University FC speel tans in die Premier Sokkerliga.

Fakulteite wysig

  • Fakulteit Handel, Regsgeleerdheid en Bestuur (Commerce, Law and Management)
  • Fakulteit Ingenieurswese en die Bou-omgewing (Engineering and the Built Environment)
  • Fakulteit Gesondheidswetenskappe (Health Sciences)
  • Fakulteit Geesteswetenskappe (Humanities)
  • Fakulteit Wetenskap (Science)

Bekende oud-Witsies wysig

Sien ook wysig

Verwysings wysig

  1. University World News, South Africa: New university clusters emerge, besoek op 13 Desember 2011
  2. University of Cape Town Geargiveer 25 Desember 2011 op Wayback Machine, Welcome to UCT, besoek op 13 Desember 2011
  3. Stellenbosch University Geargiveer 31 Januarie 2012 op Wayback Machine, Historiese agtergrond, besoek op 13 Desember 2011

Bronne wysig

  • Holloway, J.E., Official Year Book of the Union and of Basutoland, Bechuanaland Protectorate and Swaziland No. 7 – 1924, Unie-Kantoor van Sensus en Statistiek, Pretoria, 1925
  • Schirmer, Peter. Die beknopte geïllustreerde ensiklopedie van Suid-Afrika, Sentrale Nuusagentskap, Johannesburg, 1981
  • The history of the University of the Witwatersrand. Lantern. Tydskrif vir Volksopvoeding. Jaargang 3, no. 1, Junie-Augustus 1953.

Eksterne skakels wysig