Bertrams

Bertrams is 'n voorstad van Johannesburg in Suid-Afrika. Dit is 'n klein woongebied wat aan die oostekant van Johannesburg se middestad geleë is, tussen Doornfontein en Lorentzville, met Troyeville in die suide.

Bertrams
Voorstad
Bertrams  Bertrams se ligging in Gauteng
Koördinate: 26°11′34″S 28°3′58″O
Land	Suid-Afrika
Provinsie	Gauteng
Munisipaliteit	Stad Johannesburg
Oppervlak
• Totaal	0,39 km2 (0,15 vk. myl)
Bevolking  (2011)
• Totaal	3 906
• Digtheid	10 015/km2 (25 940/vk. myl)
Rasverdeling (2011)
• Wit mense	10.7%
• Indiërs/Asiërs	3.4%
• Bruin mense	7.6%
• Swart mense	77.1%
• Ander	1.3%
Taal (2011)
• Zoeloe	21.3%
• Engels	16.9%
• Afrikaans	11.4%
• Suid-Ndebele	7.5%
• Ander	42.9%
Poskode (strate)	2094
Poskode (posbusse)	2000
Skakelkode	011

'n Uitsig op Bertrams in die vroeë 1900's.

'n Straatkaart van Bertrams en Lorentzville van 1896.

Geskiedenis

Bertrams is sowat 3 km noordoos van die stadsaal geleë. Dit is genoem na Robertson Fuller Bertram, ’n aandelemakelaar wat ’n miljoenêr geword het. Hy het die grond gekoop by F.J. Bezuidenhout, die eienaar van die plaas Doornfontein na wie Bezuidenhoutsvallei genoem is. Die woonbuurt wat hy daarop aangelê het, het hy Bertramstown genoem. Dit is op 16 Augustus 1889 tot dorpsgebied verklaar.

In Bertramstown is een van die eerste groot herehuise in Johannesburg gebou teen ’n koste van £35 000, ’n reusebedrag in 1891. Die huis het in die vroeë 1970's nog gestaan en staan bekend as Klooflands; dis opgerig vir ’n Amerikaanse myningenieur, Joseph S. Curtis, wat lid geword het van die Reform Committee. Curtis het gemeen Bellevue-Sentraal sou ’n eksklusiewe voorstad word. Teen 1911 het hy besef dit sou nie die geval wees nie en het hy die gebied aan die Transvaal Consolidated Land & Exploration Comapny verkoop, wat dit toe deel gemaak het van Lorentzville.

Bronne

• (en) Potgieter, D.J. (ed.) 1971. Standard Encyclopaedia of Southern Africa, volume 2. Cape Town: Nasionale Opvoedkundige Uitgewery (Nasou).