Bespreking:Kruik

Kruik vs. KRUIK

Ek sien KRUIK stuur aan na Kruik, en ek wonder of dit nie andersom moet wees nie. "Kruik" het immers 'n algemene betekenis as 'n houer vir kos/vloeistof, en KRUIK is immers 'n akroniem wat gebou is uit die volle naam. Die bestaande skakels waarna ek gou gekyk het, lyk asof dit na KRUIK (organisasie) verwys, dus is daar nie tans iets wat verkeerdelik skakel nie, maar dit voel tog bietjie onverwags. Menings? --Alias (kontak) 06:44, 10 Augustus 2015 (UTC)

Akronieme kan in Afrikaans met hoof- of kleinletters geskryf word. Die Afrikaanse media gebruik die kleinlettervorm omdat 'n naam soos KRUIK, SUKOVS, SASOL, UNICEF ens. baie lelik lyk en geneig is om onnodig uit die omringende teks te spring. Daarom verkies ek dié vorm: die media skryf dit so en dit is die plek waar die meeste mense die name sien. As 'n mens dan 'n artikel oor 'n kruik gaan doen, kan jy dit spesifiseer as Kruik (houer) of so iets, of jy kan 'n dubbelsinnigheidsblad skep. Maar dis maar net my mening. Winston (kontak) 13:38, 11 Augustus 2015 (UTC)