Bespreking:Solidariteit/Argief 1

Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.

Vertaling na Engels (en selfs ook Vlaams)

Ek is besig om baie inhoud op hierdie bladsy by te voeg. Indien enigiemand dit wil vertaal en oordra na die Engelse of Vlaamse (of natuurlik enige ander) Wikipedia, is hulle baie welkom. Wysig gerus ook hierdie bladsy en verbeter dit! Solidariteit (kontak) 12:57, 15 April 2009 (UTC)

Dit is 'n goeie artikel. Ek sal help orals waar ek kan met sake wat betrekking het op die Solidariteit en die projekte waarby die organisasie betrokke is. Dankie vir al die bydraes tot dusver. — Adriaan90 (Bespreking • Bydraes) 20:37, 15 April 2009 (UTC)

Dankie. Ek is bly om te sien daar is lewe en bedrywigheid op die Afrikaanse Wikipedia! Solidariteit (kontak) 09:46, 16 April 2009 (UTC)

Inderdaad. Ons sou egter wou dat die Afrikaanse gemeenskap meer betrokke by Wikipedia wees. Ons Wikipedia groei seker, maar stadig. Duisende Afrikaanse inligtingsoekers moet elke dag inligting in Engels op die internet lees, en dis jammer as 'n mens daaraan dink dat vir baie mense die internet die hoofbron van leesstof is. — Adriaan90 (Bespreking • Bydraes) 13:04, 16 April 2009 (UTC)

misleidende stellings

"In 1997, toe Solidariteit se huidige uitvoerende hoof, Flip Buys, aangestel is, was die vakbond in groot finansiële moeilikheid en het dit ook geen vars idees meer oorgehad nie. Die ver-regse ideologieë wat die vakbond tot op daardie datum aangehang het, het geen relevansie in die moderne Suid-Afrika gehad nie. Tekenend hiervan was die feit dat die vakbond op daardie stadium slegs sowat 30 000 lede oorgehad het" Daar is 'n paar foute met hierdie stellings:

1.) Die bewering da hulle "ver-regse ideologieë" aangehang het, is 'n oordeel met 'n uiters subjektiewe bysmaak. Dit is ook nie so dat dit "geen relevansie in die moderne Suid-Afria gehad het nie". As ons na die land vandag kyk, dan blyk dit eerder die geval te wees dat die teenoorgestelde waar is.

2.) Daar is geen verband tussen die ideologiese uitrigting en die ontwikkeling van lede getalle. Dit het sosio-ekonomiese en strategiese redes gehad. Voorheen was dit 'n vakbond vir mynwerkers gewees. Die ledegetalle was dus afhanklik van die getalle Afrikaners/Blankes in daardie sektoor. Daarna het Solidariteit ook lede in ander sektore begin werf, maar nog steeds die indruk gehandhaaf dat dit 'n pro-Blanke, pro-Afrikaner vakbond was. 'n Mens moet wragtig baie tussen die lyne lees om te sien dat iemand soos Flip Buys 'n afgewaterde ideologie aanhang.

Daar word ook nie genoem nie hoeveel lede die vakbond in die verlede gehad het en hoe dit verband hou met die getalle Blanke werkers nie --41.151.45.51 22:30, 1 Januarie 2012 (UTC)