Biesiespoort
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Biesiespoort (Biesjespoort)[1] is ‘n verlate spoorwegdorpie in die Karoo.[2]
Die spoorweghalte lê op die grens tussen die Wes-Kaap en die Oos-Kaap, tussen die N12- en die N1-paaie, noordwes van Murraysburg en suidoos van Victoria-Wes. Dit is by 31°42′53″S 23°46′11″O / 31.71472°S 23.76972°O en lê op 1370 m bo seevlak.
Hier is die hoogste punt op die spoorlyn tussen Kaapstad en Potchefstroom. Die trajek was aanvanklik een van die moeilikste vir stoomlokomotiewe op die Kaapse hooflyn en daarom is die roete hier in 1942 gewysig.
Die dorpie het uit huise vir spoorwegpersoneel, ‘n laerskool, ‘n hotel en ‘n winkel bestaan. Daar was ‘n groot gemeenskap rondom die stasie en die dorp het ‘n eie tennis- en rugbyspan gehad.
Robert Broom en sy span het hier fossiele versamel. Die spoorlyn loop oor die plaas van Mannetjies Roux.
Verwysings wysig
- ↑ "argiefkopie". Geargiveer vanaf die oorspronklike op 17 Desember 2019. Besoek op 17 Desember 2019.
- ↑ http://za.geoview.info/biesiespoort,1019473