Bob van Asperen

Bob van Asperen (* 8 Oktober 1947, Amsterdam) is 'n Nederlandse klavesimbel- en Vroeë-Klawerbord-speler sowel as 'n dirigent. Hy het in 1971 aan die Amsterdamse Konservatorium gegradueer waar hy die klavesimbel gestudeer het onder Gustav Leonhardt, en pyporrel onder Albert de Klerk. Sedertdien gee hy gereeld opvoerings in Europa en die res van die wêreld as solis en begeleier/dirigent.

Benewens sy regstreekse opvoerings het hy ook vir verskeie plate-etikette opnames gemaak, insluitende Sony, EMI, Teldec, Virgin en Deutsche Harmonia Mundi. Hy spesialiseer in die klawerbordrepertorium van die 16de tot 18de eeue, soos die musiek vir klavesimbel van Froberger, Bach en Händel. Een van die belangrikste opnameprojekte wat hy onderneem het is die volledige werke vir klawerbord deur C.P.E. Bach en ook die volledige sonates van die Katalaanse komponis Antonio Soler (Astrée, 1992). Verskeie ander projekte is in die pyplyn , terwyl baie van sy opnames verskeie pryse verower het, soos die Preis der Deutschen Schallplattenkritik en die Diapason d'Or.

Bob van Asperen het klasgegee aan die Koninklike Konservatorium van Den Haag en die Amsterdamse Konservatorium. Hy gee vir die afgelope dertig jaar meestersklasse in Europa, die VSA en elders. Benewens sy werk as dosent, het hy bygedra as musikoloog en redakteur van verskeie moderne uitgawes van die werke van J. S. Bach en Jan Pieterszoon Sweelinck, sowel as ander vroeë Nederlandse komponiste.

Eksterne skakels

• Biografie by die Oxford Index
• Biografie by allmusic.com
• Biografie by Piccola Academia di Montisi