Kifose
Kifose of hiperkifose (van Grieks: κυφός kyphos, "boggel"), ook bekend as ’n boggelrug, is ’n abnormale konvekse kromming van die rug, en meer spesifiek in die streek van die borswerwels en heiligbeen.[1][2] Daarteenoor staan ’n abnormale konkawe kromming van die nek- en lendestreek bekend as lordose (of holrug).
| Kifose | ||
| Klassifikasie en eksterne bronne | ||
| ||
| ’n 22-jarige man met Scheuermann se siekte, ’n vorm van kifose. | ||
| ICD-10 | M40 | |
| DiseasesDB | 21885 | |
| MedlinePlus | 001240 | |
 Mediese waarskuwing
| ||
Kifose kan die resultaat van onder meer degeneratiewewerwelsiekte, ontwikkelingsafwykings (veral Scheuermann se siekte), osteoporose of trauma wees. Normale borswerwels strek van T1 tot T12 en behoort ’n effense kifotiese hoek te hê (van 20° tot 45°). ’n Kromming van meer as 45° word hiperkifose genoem. Scheuermann se siekte is die algemeenste vorm van kifose en is die gevolg van vasgeknelde werwels wat tydens adolessensie ontwikkel. Die oorsaak van die siekte, wat meer dikwels in mans as vroue voorkom, is tans onbekend.[3]
Terwyl die meeste gevalle van kifose gematig is en net roetinemonitering benodig, kan ernstige gevalle uitmergelend wees, baie pyn en ongemak veroorsaak, asemhaling en spysvertering bemoeilik, kardiovaskulêre en neorologiese probleme veroorsaak en, in uiterste gevalle, ’n mens se lewensduur aansienlik verkort. Konserwatiewe behandeling help dan gewoonlik nie en rugoperasies is amper altyd nodig.
Sien ook
wysigVerwysings
wysig- ↑ Fon GT, Pitt MJ, Thies AC (Mei 1980). "Thoracic kyphosis: range in normal subjects". AJR. American Journal of Roentgenology. 134 (5): 979–83. doi:10.2214/ajr.134.5.979. PMID 6768276.
- ↑ Voutsinas SA, MacEwen GD (September 1986). "Sagittal profiles of the spine". Clinical Orthopaedics and Related Research (210): 235–42. PMID 3757369.
- ↑ "What is Kyphosis?". Your Body Posture. 14 Februarie 2018. Besoek op 14 Februarie 2018.
Eksterne skakels
wysig
Wikimedia Commons het meer media in die kategorie Kifose.
Hierdie artikel is vertaal uit die Engelse Wikipedia
