Bolzano

munisipaliteit in die Italiaanse

Bozen of Bolzano (Italiaans: Bolzano; Duits: Bozen; Ladinies: Balsan/Bulsan) is die hoofstad en grootste stad van die outonome provinsie Suid-Tirol in die outonome gewes Trentino-Suid-Tirol (Italië) met 'n bevolking van 107 739 (soos op 31 Desember 2018) en 'n oppervlakte van 52,3 km². Bozen is geleë langs die Brennerroete, wat Noord- en Suid-Europa met mekaar verbind, en by die samevloeiing van die Etsch- en Eisackriviere. Die belangrikste huistale is Italiaans (73%), Duits (26,29%) en Ladinies (0,71%). As bikulturele stad met Noord-Europese en Mediterreense invloede vervul Bozen al eeue lank 'n belangrike funksie as 'n ontmoetplek vir die Duits- en Italiaanssprekende kultuur- en sakewêreld.

BozenBolzano
Balsan / Bulsan

Kaart Wapen
Vlag
 Land Vlag van Italië Italië
 Administratiewe gewes Trentino-Suid-Tirol
 Provinsie Suid-Tirol
 Koördinate 46°30′N 11°21′O / 46.500°N 11.350°O / 46.500; 11.350
 Stigting Omstreeks 500 v.C.
 Oppervlakte:  
 - Totaal 52,3 vk km
 Hoogte bo seevlak 262 m
 Bevolking:  
 - Totaal (31 Desember 2018) 107 739
 - Bevolkingsdigtheid 2060/vk km
 Tydsone UTC +1 (MET)
 Somertyd UTC +2 (MEST)
 Burgemeester Renzo Caramaschi
 Amptelike Webwerf gemeinde.bozen.it
Bozen/Bolzano, soos gesien vanuit die weste
Nou straatjies in die historiese middestad met booggange, in Duits Lauben genoem - 'n argitektoniese element wat beskerming teen son en reën bied en wat die Duitssprekende gebiede van Suid-Tirol met Noord-Italiaanse nedersettings deel
Die voorstad Gries
Duits, Italiaans, Engels en Ladinies is die Vrye Universiteit Bolzano/Bozen se amptelike tale vir onderwys en kommunikasie

Bozen is een van die grootste stedelike nedersettings in die Alpegebied, setel van die Suid-Tiroolse regering en parlement, sedert 1964 biskopsetel van die nuutgestigte Rooms-Katolieke diosese Bozen-Brixen en sedert 1997 ook setel van 'n universiteit – die Freie Universität Bozen (met Duits, Italiaans, Engels en Ladinies as onderrigmedia[1]). Die navorsingsaktiwiteite van die universiteit se Ladiniese afdeling fokus op Ladiniese Taalkunde (veral Ladiniese Filologie) en Meertalige Opvoedkunde.[2]


Verwysings wysig

  1. www.unibz.it: University Profile. Besoek op 17 Mei 2020
  2. Paul Videsott: 10 agn de Repartiziun ladina: Ativité scientifica y didatica, inrescides, impat sön le teritore • 10 Jahre Ladinische Abteilung: Wissenschaftliche und didaktische Aktivitäten, Forschung, Auswirkungen • 10 anni della Sezione ladina: Attività scientifica e didattica, ricerca, impatto sul territorio. In: Theodor Rifesser, Paul Videsott (reds.): L Ladin tl sistem formatif • Das Ladinische im Bildungssystem • Il ladino nel sistema formativo. Bozen | Bolzano: Bozen-Bolzano University Press 2011, bl. 40

Eksterne skakels wysig

  •   Wikimedia Commons het meer media in die kategorie Bolzano.
  • (en) Toerisme-inligting oor Bolzano op Wikivoyage
  • (de) (it) Amptelike webwerf
  • (en) "Bolzano". Encyclopædia Britannica. Besoek op 8 Maart 2019.