Boris Asafjef

Boris Wladimirowitsj Asafjef (Russies: Бори́с Влади́мирович Аса́фьев; 29 Julie [O.S. 17 Julie] 1884 - 27 Januarie 1949) was 'n Russiese en Sowjet-komponis, skrywer, musikoloog, musiekkritikus en een van die stigters van Sowjetse musikologie. Sergei Prokofiëf se eerste simfonie is aan hom opgedra.

Boris Wladimirowitsj Asafjef
Gebore	17 Julie 1884
Sterf	27 Januarie 1949
Genres	Klassiek
Beroep(e)	Komponis, skrywer, musikoloog

Asafjef is in Sint Petersburg gebore.Hy het 'n beduidende invloed op Sowjetmusiek gehad. Sy komposisies sluit ballette, operas, simfonieë, concertos en kamermusiek in. Sy ballette sluit in Die Vlamme van Parys, gebaseer op die Franse Rewolusie, en Die Fontein van Bachtsjisarai, wat die eerste keer in 1934 opgevoer is.

Sy skrywes, onder die naam Igor Glebof, sluit in Die Boek oor Strawinski en Glinka (waarvoor die Stalinprys in 1948 aan hom toegeken is).

Geselekteerde werke

'n Gedenkplaat vir Asafjef in Troedaplein, Sint Petersburg.

Operas

• Die Kassier se Vrou
• Minin en Pozjarski
• Die Meisie sonder 'n Bruidskat

Ballette

• Die Feetjie se Geskenk (1910)
• Wit Lelie (1911)
• Die Vlamme van Parys (1931)
• Die Fontein van Bachtsjisarai (1936)
• Die Gevangene van die Kaukasus (1938)
• Die Plattelandse Dame
• Die Gas van Steen (1946)

Orkes

• 5 Simfonieë
• Concerto vir klarinet en orkes (1939)
• Concerto vir kitaar en kamerorkes (1939)
• Concerto vir klavier en orkes (1939)

Kamermusiek

• Strykkwartet (1940)
• Sonata vir soloaltviool (1938)
• Sonata vir tjello en klavier (1935)
• Sonata vir trompet en klavier (1939)
• Sonatina vir hobo en klavier (1939)
• Variasies vir horing en klavier (1940)

Verdere leeswerk

• Viljanen, Elina (2017). The Problem of the Modern and Tradition: Early Soviet Musical Culture and the Musicological Theory of Boris Asafiev (1884–1949) (Ph.D. thesis. University of Helsinki). Acta Semiotica Fennica. Approaches to Musical Semiotics, 23. Helsinki: Suomen Semiotiikan Seura. ISBN 978-952-68257-7-9. ISSN 1235-497X. {{cite book}}: Onbekende parameter |lay-url= geïgnoreer (hulp)

Eksterne skakels

• Musiek en media deur Boris Vladimirovich Asafiev op die International Music Score Library Project