Borodin-kwartet
Die Borodin-kwartet is 'n strykkwartet wat in 1945 in die destydse Sowjetunie gestig is. Dit is een van die wêreld se langsbestaande strykkwartette. In 2015 het die kwartet sy 70ste bestaansjaar gevier.
Borodin-kwartet | |
|---|---|
| Oorsprong | Moskou, USSR |
| Genres | Klassiek |
| Beroep(e) | Kamer-ensemble |
| Jare aktief | 1945–teenswoordig |
| Lede | Ruben Aharonian (1ste viool) Sergey Lomovsky (2de viool) Igor Naidin (altviool) Vladimir Balshin (tjello) |
Die kwartet was vanweë hul opnames sowel as konsertuitvoerings een van die bekendste kwartette in die Weste gedurende die Koue oorlogse tydperk gewees, vernaam in die Verenigde State en Europa.[1]
Die kwartet het 'n nabye verhouding gehad met die komponis Dmitri Sjostakowitsj, wat die kwartet betreffende elk van sy vyftien kwartette persoonlik gekonsulteer het.[2] Die kwartet het ook tydens vele geleenthede saam met die pianis Sviatoslav Richter opgetree. Die kwartet het die volledige kwartette van sowel Sjostakowitsj as Beethoven opgeneem. Die kwartet se ander opnames sluit werke deur 'n wye reeks komponiste op die Melodiya, Teldec, Virgin Records, en Chandos Records plate-etikette in.
Die oorspronklike Borodin-kwartet se klank word gekarakteriseer deur 'n byna simfoniese volume en 'n hoogs ontwikkelde vermoë om te fraseer terwyl groepkohesie terselfdertyd behou word. Alhoewel die kwartet gedurende sy bestaan vele veranderinge in lede ondergaan het, was alle kwartetlede gegradueerdes van die Moskouse Konservatoria gewees.[3]
Geskiedenis wysig
Die kwartet was gevorm en het aanvanklik bekendgestaan as die Moskou Konservatoria-kwartet met Mstislav Rostropovich as die tjellis; Rostislaf Dubinski en Wladimir Rabei as eerste en tweede violiste en Juri Nikolaëfski as die altviolis, welke almal onder professor Mikhail Terian, die altviolis van die Komitas-kwartet, ('n kamerensemble klas) gestudeer het. Rostropovich het na 'n paar weke onttrek waarna Valentin Berlinski sy plek ingeneem het.[1][4] Wladimir Rabei en Juri Nikolaevski was gou hierna opgevolg deur Nina Barshai en Rudolf Barsjai.[5]
Die kwartet het Sjostakowitsj die eerste keer in 1946 ontmoet en weldra bekend geword as 'n interpreteerder van sy komposisies. Mettertyd het die kwartet bekend geword om hul uitvoerings van Sjostakowitsj se volledige kwartette (wat uiteindelike gegroei het tot 15 kwartette) by konsertsale van regoor die wêreld.[4]
As een van die mees gerekende musikale groepe gedurende die kommunistiese era het die kwartet by beide die begrafnisse van Joseph Stalin en Sergei Prokofiëf opgetree wat op dieselfde dag in 1953 beswyk het.[1]In 1955 was die kwartet hernoem na Aleksandr Borodin, te wete een van die stigterslede van Russiese kamermusiek.[1][4]Tydens die Sowjetera was die kwartet se betrekkinge en repertorium beheer deur die staatkonsertorganisasie Gosconcert, geskoei op die basis van maksimale omset. Dit het egter die spelers sowel as Westerse konsertorganiseerders nie welgeval nie.[4]
Na twintig jaar met dieselfde lede het moeilike tye egter in die 1970's gevolg: Dubinski het na die Weste ontvlug, en die tweede violis Yaroslaf Alexandrof het as gevolg van swak gesondheid afgetree. Nadat die kwartet plaasvervangers verkry het, het Berlinski daarop aangedring dat die ensemble twee jaar buite die openbare oog spandeer totdat die Borodin-klank ten volle herskep is.[4]
In sy 1989 boek Stormy Applause, skets Dubinski 'n relaas van onenigheid, magstryde en verraad teenoor die owerhede deur Berlinski, wat erken het dat hy 'n lid van die Kommunistiese Party was. Berlinski het op sy beurt die boek verwerp as 'n boek “vol halwe waarhede”.[4] Wat ook al die waarheid van die beweringe mag wees, is dit 'n feit dat Berlinski se twee-en-sestig jare in een van die wêreld se mees gerekende strykkwartette 'n sonderlinge prestasie was, wat moontlik uniek is in die geskiedenis van die genre.
Dubinski het in 1976 die Borodin Trio gestig.
Verwysings wysig
- ↑ 1,0 1,1 1,2 1,3 Fox, Margalit. "Valentin Berlinsky, Mainstay Cellist of the Borodin Quartet, Dies at 83 ", The New York Times, 25 Desember 2008. Opgespoor op 14 Januarie 2009.
- ↑ http://www.quartets.de/ URL opgespoor en besoek op 30/12/2019
- ↑ Soos gekonstateer op die BBC Radio 3 "Lunchtime Concert" program van 15 April 2010 wat gewys was aan 'n konsert deur die Borodin-kwartet.
- ↑ 4,0 4,1 4,2 4,3 4,4 4,5 Obituary of Valentin Berlinsky, The Daily Telegraph, 23 Desember 2008, Besoek op 23 Desember 2008
- ↑ Anna Bulycheva (2015), "The State Borodin Quartet", review (Mariinski Theatre), https://testus.mariinsky.ru/en/playbill/playbill/2015/7/7/3_1900/, besoek op 19 Julie 2017[dooie skakel]
Eksterne skakels wysig
- The Borodin Quartet Amptelike webwerf
- Die Borodin-kwartet by The Voice of Russia
- Die blad van die Borodin-kwartet by die Moskouse Filharmoniese Orkes se blad (die Russiese weergawe)