Borrelstoel
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die borrelstoel is in 1968 deur die Finse meubelontwerper, Eero Aarnio, ontwerp. Dit is op dieselfde konsep as sy balstoel gebaseer. Die belangrikste verskil is dat die borrelstoel met 'n ketting aan die plafon vasgeheg is, en dat dit van deursigtige akrielmateriaal, wat die lig na alle rigtings deurlaat, gemaak is. Akriel word verhit en soos 'n seepbel in 'n ronde vorm, binne 'n soliede staalraam, geblaas. Dit word as 'n klassieke voorbeeld van industriële ontwerp beskou. Dit het ook die gebruik van plastiek in meubelontwerp bevorder. Die ontwerp van die stoel word as modernisties of verteenwoordigend van die ruimte-era, beskou. Die stoel word dikwels as 'n simbool van die 1960's periode gebruik.
Bronne
wysig- Fiell, Peter & Charlotte (2001). Chairs. Italy: TASCHEN.
Eksterne skakels
wysig
Wikimedia Commons het meer media in die kategorie Borrelstoel.
