Maak hoofkeuseskerm oop

Motor Racing Developments Ltd., algemeen bekend as Brabham, was 'n Britse renmotorvervaardiger asook 'n Formule Een-renspan. Dit is in 1960 deur twee Australiërs, die renjaer Jack Brabham en die ontwerper Ron Tauranac, gestig. Die span het vier bestuurders- en twee vervaardigerswêreldkampioenskappe in sy 30-jaarlange Formule Eengeskiedenis verower.

In die 1960s was Brabham die wêreld se grootse vervaardiger van opewielrenmotors wat aan kliëntespanne te koop was, deur die bou van meer as 500 motors teen 1970. Spanne wat Brabhammotors in hierdie tydvak gebruik het, het kampioenskappe in Formule Twee en Formule Drie gewen. Brabhamprodukte het ook in die Indianapolis 500 en Formule 5000 meegeding.

In die 1970s en 1980s het Brabham nuwe uitvindings op die proef gestel, soos 'n Gordon Murray-ontwerpte "fan car" — wat sy nooienswedren gewen het voor sy onttrekking — met aanboord-brandstofhervulling, koolstofremkussings, en hidropneumatiese suspensie.