Braidense Nasionale Biblioteek
Die Biblioteca Nazionale Braidense of Braidense Nasionale Biblioteek, gewoonlik bekend as die Biblioteca di Brera, is 'n openbare biblioteek in Milaan, in Noord-Italië. Dit is een van die grootste biblioteke in Italië. Dit het aanvanklik groot historiese en wetenskaplike versamelings bevat, voordat dit belas is met die wettige deposito van alle publikasies uit Milaan. Sedert 1880 het dit die status van 'n nasionale biblioteek gehad en is dit vandag een van die 47 Italiaanse staatsbiblioteke.[1]
Geskiedenis
wysigDie biblioteek is in 1770 deur Maria Theresa van Oostenryk tot stand gebring toe sy besluit het om die versameling wat sy by Carlo Pertusati verkry het, aan die publiek beskikbaar te stel. Die biblioteek is in 1786 geopen in die Brera Palazzo del Collegio wat deur die staat oorgeneem is na die ontbinding van die Genootskap van Jesus in 1773[2]. Benewens die Pertusati-versameling, bevat die biblioteek ook die besittings van die Collegio Braidense en van die Jesuïetehuise van San Fedele en San Girolamo.[3]
Daarna het die biblioteek baat gevind by skenkings vanuit verskeie private versamelings en ook by die biblioteke van ander godsdienstige ordes wat ontbind is, asook duplikate van die Imperial Library in Wene. Vanaf 1788 is die versameling verbeter deur publikasies by te voeg wat ontvang is onder wettige deposito- regulasies wat werke gedek het wat in die staat Milaan gepubliseer is. As gevolg hiervan het die Braidense biblioteek die streeksregdeposito-argief vir Lombardye geword.[4]
In 1880 het die Braidense biblioteek die status van nasionale biblioteek in Italië gekry.
Die perseel
wysig
Die biblioteek is geleë in die Palazzo di Brera, 'n indrukwekkende gebou wat in die 17de eeu deur die Jesuïete gebou is. Benewens die biblioteek, is dit ook die tuiste van die Brera Kunsgalery, die Brera Astronomiese Sterrewag, die Brera Botaniese Tuine, die 'Lombard Institute of Science and Letters' en die 'Brera Academy of Fine Arts'. Sedert 2003 huisves dit ook die Archivio Storico Ricordi, die historiese rekords van die Ricordi klassieke musiek uitgewery.
Die biblioteek se fasiliteite bestaan onder meer uit die Maria Teresa-saal met boekrakke wat ontwerp is deur die argitek Giuseppe Piermarini, die Leeskamer wat oorspronklik deur die Jesuïete gebruik is, die Navorsingsleeskamer met sowat 35 000 boeke, die Sala Manzoniana met manuskripte, korrespondensie en uitgawes van die Italiaanse romantiese skrywer Alessandro Manzoni en die Kataloguskamer, wat voorheen die kleremakerskamer in die Palazzo di Brera was.[1]
Die versamelings
wysigSedert die ontstaan was die Braidense biblioteek ontwerp as 'n algemene biblioteek. Die versamelings het bestaan uit verligte koorwerke, historiese, literêre, teologiese en regspublikasies asook uitgebreide algemene naslaanwerke.
Aanvanklik het die Staatsgemeente vir Lombardye die kern van die biblioteek gevorm uit die versamelings van graaf Carlo Pertusati wat in 1765 verkry is, wat in 1770 deur Maria Theresa, prinses van Oostenryk, as 'n openbare biblioteek saamgestel is. In 1773, het die ontbinding van die Jesuïete, dit vir die biblioteek moontlik gemaak om die versamelings van die Palazzo van die Collegio Gesuitico di Brera, wat gebou is in die gebied van die 13de eeuse klooster van die Umiliati, te bekom. Die erf is gekies om die biblioteek in 1786 te huisves. Die biblioteek het ook die Jesuïete-versamelings van die Collegio Braidense, en van San Fedele en San Girolamo hierby aangesluit. In 1778 is die versameling van die Berner geneesheer Albrecht von Haller, ryk aan botaniese, mediese en wetenskaplike tekste, verkry. In die volgende jare, ook die versamelings van kolonel Baschiera, en 'n gedeelte van die biblioteek van graaf Firmian, waarvan hy sommige van Giuseppe Beltramelli verkry het. In 1788 het 'n wet vereis dat alle werke (boeke en pamflette) wat in Lombardye gepubliseer is, 'n kopie na die biblioteek moes stuur. In 1793 is dit verder uitgebrei na regsbevele en dokumente. Die versamelings van die Collegio dei Giureconsulti is tydens die Franse besetting bygevoeg, en die Scaccerni-versameling is deur Francesco Melzi geskenk. In 1795 het die nalatenskap van kardinaal Angelo Maria Durini sowat 3 000 werke bevat, insluitend waardevolle 16de eeuse Griekse en Latynse uitgawes.[5]
Gedurende die 19de eeu het die biblioteek versamelings verkry van Hermes Visconti, die Numismatiese Kabinet, die Bodoniese, die Mortara, die Lattes (werke van die Joodse kultuur), Viesseux miscellanea en van Cesare Correnti. In 1889 is die teaterversameling van Lauro Corniani Algarotti deur De Capitani D'Arzago geskenk. Daardie jaar het dit die biblioteek van Carlo Morbio (1811-1881), insluitend 156 kodekse van die bibliotekaris Ackerman van Leipzig op 'n veiling gekoop. In 1885 is die manuskripte en biblioteek van Alessandro Manzoni in 1885 geskenk. In die 20ste eeu het die biblioteek die Novati-biblioteek, die liturgiese biblioteek van die Hertogdom Parma, die skaakversameling, die Castiglioni-versameling en die fotografiese versameling van Emilio Sommariva bekom.[6]
Die Braidense biblioteek het nog altyd die dubbele rol vervul van beide die bewaring van historiese en literêre werke asook die handhawing van sy versameling van alle boeke wat in Milaan gepubliseer is. Die biblioteek huisves meer as 1.5 miljoen boeke en antieke volumes.[7]
Sien ook
wysig- Neoklassieke argitektuur in Milaan
- Nasionale Sentrale Biblioteek (Florence)
- Biblioteca Nazionale Centrale di Roma
- Biblioteca Nazionale Vittorio Emanuele III
- Turyn Nasionale Universiteitsbiblioteek
- Biblioteca Nazionale Marciana
Verwysings
wysig- ↑ 1,0 1,1 "Biblioteca Nazionale Braidense", www.braidense.it. Besoek op 5 September 2012.
- ↑ The Suppression of the Jesuits (1750-1773): https://www.newadvent.org/cathen/14096a.htm
- ↑ The History of the Library: http://www.braidense.it/index/chisiamo_en.php
- ↑ "Beni librari - Circolare sul deposito legale", 31 December 2008, LombardiaCultura. (in Italiaans)
- ↑ La Biblioteca nazionale Braidense, "Biblioteche Oggi", Milano, Ed. Bibliografica, n. 8, October 2008, p. 16. (in Italiaans)
- ↑ Braidense Library website, history.
- ↑ Discover the Library Biblioteca Nazionale Braidense: https://bibliotecabraidense.org/en/about-us/discover-the-library/
Bronnelys
wysig- Aurelio Aghemo, La Biblioteca nazionale Braidense, "Biblioteche Oggi", Milan, Ed. Bibliografie, n. 8, Oktober 2008, pp.15–20.