Brants se fluitrot

Die Brants se fluitrot (Parotomys brantsii) kom in die weste van Suid-Afrika voor.

Brants se fluitrot
Brants se fluitrot in die Kgalagadi Vredespark
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Rodentia
Familie:	Muridae
Genus:	Parotomys
Spesie:	P. brantsii
Binomiale naam
Parotomys brantsii (A. Smith, 1834)

Voorkoms

Die knaagdier se kleur is bleek geelbruin met 'n witterige onderkant. Die dier word tot 25cm lank en weeg ±120g.

Habitat en gewoontes

Die diertjie verkies droë sanderige grond om in te bly en is soggens vroeg aktief. Hulle hou daarvan om in die son te sit en bak by die ingang van die gat. Die gatkompleks het twee of meer ingange. Daar word 1 - 3 kleintjies in die somer gebore. Die kleintjies klou aan die ma se tepels as sy loop. Die dier eet die blare van vlesige plante, sade en blomme.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5