Britse langhaarkat
Die Britse langhaarkat (Engels: British Longhair) is ’n katras van gemiddelde grootte wat in Brittanje ontstaan het.
| Britse langhaarkat | ||||
| ||||
| Alternatiewe naam | Britannica | |||
| Land | Brittanje | |||
| Soort lyf | Kompak | |||
| Pels | Lank | |||
| Patroon | Alle | |||
| Wetenskaplike naam | ||||
| Felis catus (huiskat) | ||||
| ||||
Geskiedenis wysig
Die oorspronklike Britse langhaarkat is met ander, ingevoerde langhaarkatte gekruis en het in die Persiese kat ontwikkel. Hulle het al hoe groter en ekstremer geword met langer, dikker hare as die vroeëre Persiese katte. In die laat 19de en vroeë 20ste eeu is die Persiese kat beskou as ’n langharige weergawe van die Britse korthaarkat. In die laat 20ste eeu is ’n kortharige weergawe van die Persiese kat ontwikkel en dit is die eksotiese korthaarkat genoem; hulle het heeltemal anders as die Britse korthaarkatte gelyk. Daar is toe voorgestel dat ’n Britse langharige kat weer ontwikkel word.[1]
Dié ras is dus ’n langharige weergawe van die Britse korthaarkat.[2] In Europese lande is dit bekend as die Britannica, maar dié ras word nie in Brittanje erken nie.
Beskrywing wysig
.jpg)
Nes die Britse korthaarkat het die langhaarkatte ’n breë, vierkantige kop. Die algemene voorkoms is dié van ’n kompakte kat van middelmatige grootte.[1] Die oë is groot en rond en die ore kort. Die bene is ook kort, maar sterk, en die stert is dik.
Hulle het dieselfde kleure as die korthaarkat, onder meer swart, wit, rooi, room, blou, sjokoladebruin, lila, kaneel en ligbruin. Al die patrone word ook erken: effekleurig, gestreep, skilpaddop, tweekleurig, gerook en met kleurpunte.
Die katte is taamlik kalm en rustig. Hulle is spelerig en liefderik teenoor hul eienaars. Hulle het nie die geselskap van ander diere nodig nie en is nie vernielsugtig nie, en is dus die ideale troeteldier vir werkende mense.[1]
Sien ook wysig
Verwysings wysig
- ↑ 1,0 1,1 1,2 "almost everything about almost every cat breed" (in Engels). Cat Realm. Geargiveer vanaf die oorspronklike op 10 Augustus 2018. Besoek op 29 Oktober 2011.
- ↑ "British Longhair". Cat Facts. Geargiveer vanaf die oorspronklike op 4 November 2011. Besoek op 29 Oktober 2011.
Eksterne skakels wysig
Wikimedia Commons het meer media in die kategorie Britse langhaarkat.
Hierdie artikel is vertaal uit die Engelse Wikipedia
