Broadway (Manhattan)
Broadway is 'n beroemde straat in Manhattan, New York, in die Verenigde State van Amerika met verskeie teaters. Hierdie straat loop in 'n noord/suid rigting, skuins oor die ander strate. Times Square, waar Broadway by 7de Laan en 42ste Straat ontmoet, is 'n sentrum van vermaak en is bekend vir sy talle teaters en toneelopvoerings. Die straatblokke daar rondom vorm die hart van die stad se teaterbedryf.[1]
Hierdie straat is 33,2 km (20,6 myl) lank en loop deur Manhattan en The Bronx. Dit loop dan verder noord (as die Amerikaanse roete 9) na Albany, die hoofstad van New York.
Geskiedenis
wysig
Ten tyde van die eerste Nederlandse kolonisasie van Manhattan was Broadway 'n pad wat deur die plaaslike Wappani-indiane gebruik is om van hul dorp na die jagvelde te reis. David Pietersz de Vries noem die pad reeds in 1642 in sy dagboek ("De Wickquasgeck weg waar de indianen dagelijks langs gingen").
Nadat Peter Minuit die land namens die Republiek van die Sewe Verenigde Nederlande van die Indiane gekoop het, is die pad "Breede Weg" genoem. In 1667, ná die Vrede van Breda, is die naam na "Broadway" vertaal toe die stad in Britse hande oorgaan het. 'n Ander naam vir Broadway was "Breedweg".[2]
Sien ook
wysigVerwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Ellis, Edward Robb (1966). The Epic of New York City. Old Town Books. p. 26.
Eksterne skakels
wysig
Wikimedia Commons het meer media in die kategorie Broadway (Manhattan).
