Bruno Taut
Bruno Julius Florian Taut (* 4 Mei 1880 in Koningsberg; † 24 Desember 1938 in Istanboel) was 'n Duitse argitek en stadsbeplanner.
Bruno Taut | |
|---|---|
 Bruno Taut omstreeks 1910 | |
| Gebore | Bruno Julius Florian Taut 4 Mei 1880 |
| Sterf | 24 Desember 1938 (op 58) |
| Nasionaliteit | Duits |
| Beroep | argitek |
| Eggenoot | Klara Hidleburg (1917–1919) |
| Kinders | Gustaf von Hidleburg (* 1918) |
| Ouer(s) | Julius Taut |
As een van die verteenwoordigers van die Modernistiese argitektuurstroming (Duits Neues Bauen) het hy veral met groot residensiële woonprojekte soos die Hufeisensiedlung ("Hoefysterbuurt") in Berlyn-Britz en Onkel Toms Hütte in Berlyn-Zehlendorf bekendheid verwerf. Bruno Taut het vanaf 1909 met Franz Hoffmann in 'n gemeenskaplike argitekteburo saamgewerk. In 1912 het ook sy jonger broer Max Taut (1884-1967), wat later veral met sy kantoorgeboue in die Nuwe Saaklikheid-boustyl bekendheid sou verwerf, tot dié onderneming toegetree.
