Buenos Aires (provinsie)
Die Provinsie Buenos Aires (Spaans amptelik: Provincia de Buenos Aires, [ˈbwenos ˈaiɾes]) is in die ooste van Argentinië op die vrugbare Pampasvlakte geleë. Dit is die grootste van al die Argentynse provinsies, sowel ten opsigte van oppervlakte as bevolking, met 307 571 km² en sowat 15,6 miljoen inwoners (meer as 'n derde van Argentinië se totale bevolking).
Provinsie Buenos Aires Provincia de Buenos Aires | |
|---|---|
Provinsie | |
 | |
 Vlag  Seël | |
.svg) Ligging in Argentinië | |
| Koördinate: 33°42′S 61°0′W / 33.700°S 61.000°W | |
| Land |  Argentinië |
| Hoofstad | La Plata |
| Regering | |
| • Tipe | Tweekamerstelsel met Kamer van Afgevaardigdes (92) en Senaat (46) |
| • Goewerneur | Axel Kicillof (Frente de Todos) |
| Oppervlak | |
| • Totaal | 307 571 km2 (118 754 vk. myl) |
| Bevolking | |
| • Totaal | 15 625 084[1] |
| • Digtheid | 51/km2 (130/vk. myl) |
| Tydsone | UTC-3:00 (ART) |
| Webwerf | www.gba.gov.ar |
Sy naam is afgelei van die gelyknamige Argentynse hoofstad in die noordooste van die provinsie, Buenos Aires, wat oorspronklik ook as provinsiale hoofstad gefungeer het totdat dit in 1880 in 'n federale distrik omgeskep is. Dit maak dus administratief nie meer deel uit van die provinsie nie, in teenstelling met sy voorstede.
Die huidige administratiewe sentrum is La Plata, 'n stad in die metropolitaanse gebied van die hoofstad Buenos Aires wat in 1882 gestig is. Die provinsie grens in die noordooste aan Entre Ríos, in die noorde aan Santa Fe, in die noordweste aan Córdoba, in die weste aan La Pampa, en in die suide en weste aan Río Negro. Die Republiek van Uruguay is oorkant die Río de La Plata noordoos van Buenos Aires geleë.
Die provinsie is in 134 bestuursgebiede, genaamd "partidos", onderverdeel.
Verwysings
wysig- ↑ "Total del país. Población total y variación intercensal absoluta y relativa por provincia o jurisdicción. Años 2001–2010". INDEC. Geargiveer vanaf die oorspronklike (XLS) op 2 September 2011. Besoek op 4 September 2011.
Eksterne skakels
wysig
Wikimedia Commons het meer media in die kategorie Buenos Aires (provinsie).
