Wikipedia

Bukkake

Bukkake of boekkake (Japannees: ぶっかけ) is ’n seksdaad wat dikwels in pornografie uitgebeeld word waar verskeie mans op ’n vrou of ander man ejakuleer.[1][2][3][4][5][6] Bukkake-video's het ’n relatief algemene plek in hedendaagse pornografie ingeneem. Dit het in die 1980's in Japan ontstaan en daarna na Amerika en Europa versprei, waarna dit ook in gay pornografie verskyn het.

’n Bukkake-toneel.

Bukkake is die selfstandige naamwoord van die Japannese werkwoord bukkakeru (ぶっ掛ける, "om water te sprinkel").

Geskiedenis

wysig

Bukkake het in die middel tot laat 1980's in pornografie in Japan verskyn.[5] Volgens een kommentator is ’n belangrike rede vir die ontstaan daarvan dat geslagsorgane in Japan gesensor moet word deur ’n soort "mosaïek"-beeldelement.[7] Een gevolg daarvan is dat daar in Japannese pornografie meer op die vrou se gesig en liggaam gefokus word as op haar geslagsdele.[7] Omdat penetrasie nie gewys mag word nie, het hulle ander maniere uitgedink om die seksdaad te wys sonder om Japan se wette te oortree. Aangesien semen nie gesensor hoef te word nie, het dit ’n skuiwergat vir meer eksplisiete tonele verskaf.[7] Die bevordering daarvan en skepping van die term word veral toegeskryf aan die regisseur Kazuhiko Matsumoto, in 1998.[7] Die Japannese video-ateljee Shuttle Japan het die term in Januarie 2001 as ’n handelsmerk geregistreer.[8]

Die praktyk het toe in die laat 1990's na Amerika en Europa versprei.[9][10] Dit was deel van ’n neiging tot "harder" pornografie, en is voorafgegaan deur die mode om dubbele penetrasie te wys. Saam daarmee het orgietonele ook gewild geraak.[11]

Daar was ook ’n finansiële voordeel vir Westerse pornografiemakers om bukkake-prente te maak omdat net een aktrise nodig is saam met ’n paar amateur-akteurs, wat minder betaal hoef te word.[10] Tog verskil Westerse bukkake-tonele van dié in Japannese prente; in laasgenoemde is aktrises gewoonlik soos kantoor- of skoolmeisies aangetrek en word hulle in ’n onderdanige posisie uitgebeeld, terwyl vroue in eersgenoemde prente uitgebeeld word asof hulle dit geniet.[12][13] Nog ’n Japannese weergawe van bukkake is gokkun, waarin verskeie mans in ’n houer ejakuleer en die vrou dit dan drink.[3][14] Bukkake is minder gewild as ander neigings in Westerse pornografie, waarskynlik omdat die eksplisiete onderdanigheid van die vrou by baie mense nie byval vind nie en omdat ejakulasie gewoonlik beskou word as die klimaks van die toneel eerder as die hoofgebeurtenis.[10]

Die genre het ook na gay pornografie versprei, waar verskeie mans op een man ejakuleer.[5][6] Lesbiese bukkake-video's word ook vervaardig.[15][16]

Kykers se motivering

wysig

Die Amerikaanse redakteur en uitgewer Russ Kick haal ’n seksuoloog aan en sê mans hou daarvan dat daar ’n soort afsluiting van die sekstoneel is, en om na ander mans te kyk wat ejakuleer, verskaf dié afsluiting.[6] Die kyker identifiseer met die mans wat ejakuleer en ervaar ’n soort plaasvervanger-plesier.[6] Volgens Gail Dines, wat veldtogte teen pornografie voer, merk die ejakulasie die vroue ook as "gebruikte goedere" en dit gee die man ’n sin van eienaarskap.

Kommentaar

wysig

Verskeie skrywers het bukkake al as soortgelyk aan vernedering beskryf. Die forensiese sielkundige Karen Franklin het bukkake beskryf as simboliese groepsverkragting, en die hoofdoel daarvan is die vernedering, degradering en objektifikasie van die vrou.[17] Tristan Taormino, ’n feministiese skrywer en seksopvoeder, het bukkake vergelyk met ’n "gay sirkelmasturbasie" en gewys op die teenstrydigheid daarvan om dit ’n heteroseksuele gebruik te noem terwyl dit in werklikheid ’n groep naakte mans is wat naby mekaar staan en saam masturbeer.[18]

Phillip Vannini, ’n medeprofessor in kommunikasie en kultuur aan die Royal Roads-universiteit, het die selfaangestelde netsekskommentator George Kranz aangehaal wat die onlangse Amerikaanse vertolking van bukkake beskou as ’n "belangrike vordering in menslike gedrag" en klem lê op die lewendige partytjie-atmosfeer wat in Amerikaanse bukkake-video's heers teenoor die gedempte Japannese styl.[13]

Verwysings

wysig
  1. ↑ Paul, Pamela (8 Augustus 2006). Pornified: How Pornography Is Damaging Our Lives, Our Relationships, and Our Families. Owl Books. p. 61. ISBN 978-0-8050-8132-9.
  2. ↑ Eric Partridge, Tom Dalzell, Terry Victor (2006). The New Partridge Dictionary of Slang and Unconventional English: A-I. Taylor & Francis. p. 288. ISBN 0-415-25937-1.{{cite book}}: AS1-onderhoud: meer as een naam (link)
  3. ↑ 3,0 3,1 Tom Dalzell (2008). The Routledge Dictionary of Modern American Slang and Unconventional English. Taylor & Francis. p. 138. ISBN 0-415-37182-1.
  4. ↑ Alba H. Gonzalez Reyes (Januarie 2003). "Pornography: Fiction and Symbolic Violence Against the Female Body" (PDF). La Palabra y el Hombre (The Word and the Man) (in Spanish). Veracruz: Universiteit van Veracruz (125): 81. ISSN 0185-5727. Geargiveer vanaf die oorspronklike (PDF) op 22 Julie 2011. Besoek op 13 Oktober 2010. La internet ofrece acceso gratuito a galerías de pornografía digital ... Voyeuristas que buscan desde las perversiones tradicionales ... hasta la existencia de prácticas y formas grotescas de escenificación sexual: ...bukkake, una práctica que consiste en que una mujer recibe en el rostro chorros de semen de decenas de hombres. {{cite journal}}: Cite has empty unknown parameters: |laydate= en |laysource= (hulp)AS1-onderhoud: onerkende taal (link)
  5. ↑ 5,0 5,1 5,2 Paul Baker (29 April 2004). Fantabulosa: The Dictionary of Polari and Gay Slang. Continuum International Publishing Group. p. 90. ISBN 978-0-8264-7343-1. Besoek op 17 Februarie 2011. While the original bukkake films featured Japanese women, the term has crossed over into gay pornography.
  6. ↑ 6,0 6,1 6,2 6,3 Russ Kick (1 Oktober 2005). Everything you know about sex is wrong: the Disinformation guide to the extremes of human sexuality (and everything in between) / red. Russ Kick. The Disinformation Company. p. 98. ISBN 978-1-932857-17-7. Besoek op 18 Februarie 2011. ... bukkake porn, in which many men come on camera, masturbating onto the face or body of a woman or another man.
  7. ↑ 7,0 7,1 7,2 7,3 Xeni Jardin (4 Desember 2004). "Fix for Japan Pop-Culture Addicts" (in Engels). Wired. Geargiveer vanaf die oorspronklike op 4 November 2012. Besoek op 1 Julie 2009.
  8. ↑ "Registered Trademark". www.shuttle-japan.com. Geargiveer vanaf die oorspronklike op 21 Februarie 2019. Besoek op 9 Julie 2010. (jp)
  9. ↑ Pp. 31–37 My, My American Bukkake by Susannah Breslin in Greta Christina, Daniel Clowes, Best Erotic Comics 2008, illustrated edition, Last Gasp, 2007. ISBN 0-86719-686-6.
  10. ↑ 10,0 10,1 10,2 Lisa Z. Sigel (2005). International exposure: perspectives on modern European pornography, 1800–2000. Rutgers University Press. p. 189. ISBN 0-8135-3519-0.
  11. ↑ Megan Tyler (27 Augustus 2010). "'Now, that's pornography!': violence and domination in Adult Video News". In Karen Boyle (red.). Everyday Pornography. Taylor & Francis. p. 56. ISBN 978-0-415-54378-1. Besoek op 23 Julie 2011.
  12. ↑ Jerry Hopkins (26 Desember 2006). Asian Aphrodisiacs: From Bangkok to Beijing--the Search for the Ultimate Turn-on. Tuttle Publishing. p. 229. ISBN 978-0-7946-0396-0. Besoek op 21 Februarie 2011.
  13. ↑ 13,0 13,1 Phillip Vannini (2004). "Così Fan Tutti: Foucault, Goffman, and the Pornographic Synopticon". In Dennis D. Waskul (red.). Net.seXXX: Readings on Sex, Pornography, and the Internet. Peter Lang. p. 79. ISBN 978-0-8204-7072-6. Besoek op 9 Augustus 2011.
  14. ↑ Gail Dines (1 Julie 2010). Pornland: How Porn Has Hijacked Our Sexuality. Beacon Press. p. xix. ISBN 978-0-8070-4452-0. Geargiveer vanaf die oorspronklike op 29 April 2014. Besoek op 18 Februarie 2011.
  15. ↑ Ashley Blue (Director). Lesbian Bukkake [VHS en DVD]. JM Productions. URL besoek op 2007-04-20.
  16. ↑ Sargeant, Jack (November 2006). "Filth and Sexual Excess: Some Brief Reflections on Popular Scatology". Media and Culture Journal. 9 (5). Besoek op 19 April 2007.
  17. ↑ Franklin, Karen (April 2004). "Enacting Masculinity: Antigay Violence and Group Rape as Participatory Theater". Sexuality Research and Social Policy. California State Press. 1 (2): 25–40. doi:10.1525/srsp.2004.1.2.25. Geargiveer vanaf die oorspronklike op 27 Maart 2020. Besoek op 1 September 2010.
  18. ↑ Taormino, Tristan (13 Maart 2001). "Eminem Is My Bitch". The Village Voice.

Eksterne skakels

wysig
Ontsluit van "https://af.wikipedia.org/w/index.php?title=Bukkake&oldid=2471717"