Canon EOS 40D

Die Canon EOS 40D is 'n 10,1-megapieksel semi-professionele digitale enkellensreflekskamera. Dit is teen die einde van Augustus 2007 vrygestel. Dit is die opvolger van die EOS 30D, en is opgevolg deur die EOS 50D. Dit kan EF en EF-S lense pas. Soos sy voorganger, maak dit gebruik van 'n APS-C-grootte beeldsensor, wat 'n 1.6 x kropfaktor op die sigveld lewer.

Verbeterings

Veranderinge aan die 30D sluit 'n hoër resolusie van die sensor in (10,1 megapieksel in plaas van 8,2). Die sensor het ook beter geraasbeheer as die vorige modelle. Die 40D het 'n groter geheuebuffer, dus kan meer foto's in 'n enkele sessie geneem word sonder 'n stadiger raampietempo. Rame per sekonde is verhoog vanaf 5 tot 6,5.

Oorsig en funksies

Rugkant van die Canon EOS 40D kamera

Die nuutste funksie van die 40D is Live View (voorheen gebruik op die EOS 20Da), wat fotograwe in staat stel om die LCD-skerm as hul soeker te gebruik. Dit is baie nuttig vir die neem van foto's laag teen die grond, wanneer die oog nie die soekvenster kan bereik nie. Die sluitergeluid is ook stiller in hierdie modus.

Eienskappe

• 10.1 megapieksel APS-C CMOS sensor
• DIGIC III verwerker
• 3.0 duim LCD Monitor
• 14-bis verwerker
• Lewendige kykmode 
• Wye 9-punt AF (al die punte is kruistipe met die sentrumpunt met 'n bykomende f/2.8 sensitiewe kruistipe-sensor diagonaal geplaas)
• Kiesbare AF en metingmodes
• Ingeboude flits
• EOS Geïntegreerde Skoonmaakstelsel
• ISO 100-1600 (3200 met persoonlike funksie)
• Deurlopende skiet tot 6.5 rame/s (75 beelde (JPEG), 17 beelde (RAW))
• Canon EF/EF-S lense
• Canon EX Speedlites
• PAL/NTSC video uitset
• Lêerformate sluit in: JPEG, RAW, sRAW (beide RAW-formate is 14-bit)
• RAW & JPEG gelyktydige opname
• USB 2.0 rekenaarkoppelvlak
• BP-511/BP-511A of BP-512/BP-514 Battery Tipes (BP-511A battery verskaf)
• sterk binnemetaaldop (magnesiumlegering)
• Massa ongeveer 0.822 kg

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.