Canon EF-lenspassing

Sedert 1987 is die EF lenspassing die standaard-lenspassing van die Canon EOS-familie van film- en digitale SLR kameras. EF staan vir "Electro-Focus": outomatiese fokus op EF lense word hanteer deur 'n toegewyde elektriese motortjie wat in die lens ingebou is. Meganies, is dit 'n bajonet-stylpassing, en al die kommunikasie tussen die kamera en die lens vind plaas deur middel van elektriese kontakte; daar is geen meganiese hefbome of knoppies nie.

'n EF-lens se verskillende kontroles en funksies

Canon het die EF-S lenspassing in 2003 vrygestel, 'n afgeleide van die EF wat slegs bedoel is vir digitale EOS-kameras met 'n APS-C sensor. EF-lense kan gemonteer word op die EF-S kasse, maar EF-S lense kan nie op EF-kasse gemonteer word nie, in teenstelling met Nikonlense wat aan al die Nikonkasse gemonteer kan word. In Oktober 2012 het Canon die EF-M lenspassing vrygestel, 'n afgeleide uitsluitlik ontwerp vir spieëllose verwisselbare lenskameras (MILCs) met APS-C sensors. EF en EF-S lense kan gemonteer word op EF-M kasse via die opsionele passtuk genaamd EF-EOS M.[1]

Canon beweer hy het sy 100-miljoenste EF-reeks verwisselbare lens (insluitend vir kameras van ander maatskappye) vir EOS-kameras op 22 April 2014 geproduseer,[2] en sy 120-miljoenste EF-lens op 26 Augustus 2016.[3]

Die EF-reeks sluit meer as negentig lense in. Die EF-reeks beskik oor fokuspunte van 8 tot 1200 mm. Die EF-M lenspassing is in twee lense beskikbaar, 'n 22 mm eerste en 'n 18–55 mm zoemlens.[1] Meeste EF-lense sluit spesiale funksies in, soos Canon se ultrasoniese motor (USM), 'n beeldstabiliseringstelsel (IS), diffraksie-optika (DO) en, veral vir die L-reekslense, fluoriet en asferiese lenselemente.

Sien ook wysig

Verwysings wysig

  1. 1,0 1,1 Canon U.S.A., Inc. (23 Julie 2012). "Put Your Creativity Into Motion With The New EOS M Digital Camera". Persberig. Archived from the original on 22 September 2012. https://web.archive.org/web/20120922081807/http://www.usa.canon.com/cusa/consumer/news_events/press_releases?pageKeyCode=pressreldetail&docId=0901e024805d7bdb. Besoek op 23 Julie 2012. 
  2. Eric Reagan. "Canon surpasses 100 million EF Lenses produced". Photography Bay (in Engels). Geargiveer vanaf die oorspronklike op 29 November 2017.
  3. "Canon surpasses 120 million EF Lenses produced" (in Engels). Geargiveer vanaf die oorspronklike op 29 November 2017. Besoek op 13 Oktober 2016.
Hierdie artikel is in sy geheel of gedeeltelik vanuit die Engelse Wikipedia vertaal.