Canon EF 100–400mm lens
Die EF 100–400mm f/4.5–5.6 L IS USM is 'n professionele EF-passing tele zoemlens wat deur Canon Inc. vervaardig word. Die eerste weergawe van hierdie lens is in September 1998 aangekondig, en 'n opgedateerde weergawe in November 2014. Dit is 'n hoëprestasie telefotolens wat meestal vir sport- en wild/natuurfotografie gebruik word.
Krimpfaktor
wysigWanneer dit gebruik word met 'n Canon APS-C (1.6x krimp) DSLR kamera of APS-H (1.3x krimp), is die sigveld van hierdie lens gelykstaande aan 'n 160–640mm op 'n APS-C sensor, of 130–520mm op 'n APS-H sensor. Dit is as gevolg van die krimpfaktor inherent met APS-C of APS-H sensor digitale SLR kameras.
Die eerste weergawe
wysigOndanks die feit dat die oorspronklike weergawe uitstekende optiese prestasie gelewer het, was die ontwerp sy tyd vooruit omrede die beskikbaarheid van digitale enkellensreflekskameras eers later ontplof het. Die teleskopiese aard van die oorspronklike ontwerp beteken dat die lens vinnig kon zoem, alhoewel nie alle gebruikers van hierdie ontwerp hou nie.[1]
Die teleskopiese ontwerp beteken dat die lens lug insuig wanneer gezoem word van korter na langer fokuspunte. Ongelukkig, met die gebrek van iets om dit te voorkom, suig die lens ook enige stof in die lug in.[2] Hoewel dit nie 'n probleem oplewer wanneer dit gebruik word met kameras wat fotografiese film gebruik nie, kan die stof op die sensor van digitale kameras vestig, wat dan 'n permanente merk laat op elke daaropvolgende foto totdat dit skoongemaak word. Nuwer kameras met stofverwyderingstelsels het hierdie probleem ietwat versag.[3]
Merk II
wysigDie nuwe Canon EF 100-400 f/4.5-5.6L IS II is op 11 November 2014 aangekondig, met beskikbaarheid teen die volgende maand verwag. Onder die veranderinge van die Merk I weergawe is:[4][5]
- Die zoemmeganisme gebruik nou 'n roterende ring (soos die meeste ander Canon zoemlense), in plaas van 'n stoot/trekstelsel.
- Die Merk II weergawe beskik ook oor 'n nuwe lenskappie met 'n kantvenster, wat dit moontlik maak om spesiale filters (soos polariseerders en veranderlike neutrale digtheidfilters) te verstel, sonder om die kappie te moet verwyder.
- Die driepootpassing kan nou verwyder word terwyl die lens aan 'n kameraliggaam geheg is.
Spesifikasies
wysig| Eienskap | f/4.5–5.6L IS USM | f/4.5–5.6L IS II USM |
|---|---|---|
| Illustrasie → | 
|
|
| Sleuteleienskappe | ||
| Volraam-verenigbaar | Ja | Ja |
| Beeldstabiliseerder | Ja | Ja |
| Ultrasoniese Motor | Ja | Ja |
| Stapmotor | Nee | Nee |
| L-reeks | Ja | Ja |
| Omgewingsverseëling | Nee | Ja |
| Diffraksie Optika | Nee | Nee |
| Makro | Nee | Nee |
| Stoot/trek zoem | Ja | Nee |
| Tegniese data | ||
| Lensopening (maks-min) | f/4.5–f/5.6 tot f/32-f/38 | f/4.5–f/5.6 tot f/32-f/40 |
| Konstruksie | 14 groepe / 17 elemente | 16 groepe / 21 elemente |
| Aantal diafragmalemme | 8 | 9 |
| Kortste fokusafstand | 5.9 vt / 1.8 m | 3.2 vt / 0.98 m |
| Maksimumvergroting | 0.2x | 0.31x |
| Horisontale sighoek | 20°–5°10' | |
| Vertikale sighoek | 14°–3°30' | |
| Diagonale sighoek | 24°–6°10' | |
| Fisiese data | ||
| Massa | 1380 g / 3.1 lb | 1570 g / 3.46 lb |
| Maksimum diameter | 92 mm / 3.6 dm | 94 mm / 3.7 dm |
| Lengte | 189 mm / 7.4 dm | 193 mm / 7.6 dm |
| Filterdiameter | 77 mm | |
| Bybehore | ||
| Lenskappie | ET 83C | ET 83D[6] |
| Kas | LZ1324 | LZ1326 |
| Kleinhandelinligting | ||
| Vrygestel in | September 1998 | November 2014 |
| ± Verkoopsprys in VS$ | $1,699 | $2,199 |
Verwysings
wysig- ↑ Cicala, Roger (Maart 2013). "Canon 100-400mm f/4.5-5.6L IS" (in Engels). LensRentals.com. Geargiveer vanaf die oorspronklike op 19 Oktober 2019. Besoek op 11 November 2014.
- ↑ Dit het aan hom die bynaam "the dust trombone" besorg.
- ↑ Canon 50D Owners manual - Appending Dust Delete Data (Page 149)
- ↑ "Introducing the Canon EF 100-400 f/4.5-5.6L IS II" (in Engels). Canon Rumors. 9 November 2014. Geargiveer vanaf die oorspronklike op 2 Augustus 2015. Besoek op 9 November 2014.
- ↑ Canon U.S.A. (10 November 2014). "Canon U.S.A. Introduces New Super-Telephoto Zoom Lens, The Compact And Highly Mobile Canon EF 100-400mm f/4.5-5.6L IS II USM". Persberig. http://www.usa.canon.com/cusa/about_canon?pageKeyCode=pressreldetail&docId=0901e02480d957ad. Besoek op 11 November 2014.
- ↑ "New 100-400 hood" (in Japannees). Canon. 11 November 2014. Geargiveer vanaf die oorspronklike op 22 November 2018. Besoek op 11 November 2014.