Canon EF 200–400mm lens
Die EF 200–400mm f/4L IS USM Extender 1.4× is 'n EF-passing super telefotolens wat deur Canon Inc. vervaardig word. Dit is deel van die professionele L-reeks en funksioneer met die Canon EOS-lyn van kameras. Die EF 200–400mm lens beskik oor 'n ultrasoniese motor, beeldstabilisering en weerverseëling. Dit is die eerste en enigste EF-lens met 'n ingeboude verlenger.
Geskiedenis
wysigIn Februarie 2011 is aangekondig dat die EF 200–400mm f/4L in ontwikkeling is, en 'n prototipe is tentoongestel by die 2011 CP+ handelskou.[1] In November 2011 het Canon egter aangekondig dat die beskikbaarheid van die lens uitgestel is tot 'n latere, ongespesifiseerde datum.[2] Die lens is toe meer as 'n jaar later, in Mei 2013, vrygestel.[3]
Ingeboude 1.4× verlenger
wysigAlhoewel dit nie die eerste lens was wat toegerus is met 'n ingeboude tele-omsetter nie, 'n eer wat behoort aan die ouer Canon FD-passing 1200mm f/5.6L 1.4× lens,[4][5] is die EF 200-400 die eerste met die EF-passing, en die eerste om massaproduksie te ondergaan. Die verlenger, wanneer aangeskakel is, vermeerder die lens se fokus met 'n faktor van 1.4x, terwyl dit die lensopening met 'n enkele stop verminder; die verandering maak van die lens effektief 'n 280–560mm f/5.6 lens. Die verlenger word geaktiveer en gedeaktiveer deur 'n meganiese skakelaar naby aan die lens se passtuk.
Spesifikasies
wysig
| Eienskap | f/4L IS USM Extender 1.4x |
|---|---|
| Illustrasie → | 
|
| Beeldstabiliseerder | Ja (4 stoppe) |
| Weerverseëling | Ja |
| Ultrasoniese motor | Ja |
| L-reeks | Ja |
| Diffraksie Optika | Nee |
| Makro | Nee |
| Ingeboude 1.4× Verlenger | Ja |
| Tegniese data | |
| Maksimum lensopening | f/4 (f/5.6 met verlenger) |
| Minimum lensopening | f/32 (f/45 met verlenger) |
| Horisontale sighoek | 10°–5°10' (7°20'–3°40' met verlenger) |
| Vertikale sighoek | 7°–3°30' (4°55'–2°25' met verlenger) |
| Diagonale sighoek | 12°–6°10' (8°50'–4°25' met verlenger) |
| Elemente/groepe | 25/20 (33/24 met verlenger) |
| Aantal diafragmalemme | 9 |
| Kortste fokusafstand | 2.0 m (6.6 vt) |
| Maksimumvergroting | 0.15x (0.21x met verlenger) |
| Fisiese data | |
| Massa | 3 620 g (7.98 lb) |
| Maksimum diameter | 128 mm (5.0 dm) |
| Lengte | 366 mm (14.4 dm) |
| Filterdiameter | 52mm inval |
| Toebehore | |
| Lenskappie | ET-120 (WII) |
| Lensdeksel | E-145C |
| Kas | 200–400 |
| Kleinhandelinligting | |
| Vrygestel in | Mei 2013 |
| Aanbevole verkoopsprys | VS$ 10 999.00 (± ZAR 156 186.00) |
Verwysings
wysig- ↑ "Canon Will Exhibit The Prototype Of A New Super-Telephoto Zoom Lens At The CP+ Event: The EF 200–400mm f/4L IS USM EXTENDER 1.4x Lens". Usa.canon.com. 7 Februarie 2011. Besoek op 22 Junie 2013.
- ↑ "Canon U.S.A. Provides Updates On EF Lens Availability". Usa.canon.com. 16 November 2011. Besoek op 22 Junie 2013.
- ↑ "Canon U.S.A. Announces The Availability Of The Versatile EF 200–400mm F/4L IS USM Extender 1.4X Super-Telephoto Zoom Lens". Usa.canon.com. 14 Mei 2013. Besoek op 22 Junie 2013.
- ↑ "History Lesson: Canon FDn 1200 f/5.6L 1.4× Lens Images" (in Engels). Canonrumors.com. 9 Desember 2012. Geargiveer vanaf die oorspronklike op 26 September 2013. Besoek op 22 Junie 2013.
- ↑ "Correction and History Lesson About Built-in Teleconverters in Canon Lenses" (in Engels). Canonrumors.com. 8 Desember 2012. Geargiveer vanaf die oorspronklike op 25 Augustus 2015. Besoek op 22 Junie 2013.