Capital Group Companies

The Capital Group Companies Inc. is 'n Amerikaanse onderneming wat finansiële dienste aan kliënte verskaf. Met bates van sowat VSA-$1 700 miljard is die onderneming, wat in 1931 deur Jonathan Bell Lovelace in Los Angeles gevestig is en steeds as privaat maatskappy bedryf word, een van die oudste en grootste beleggingsbestuurmaatskappye ter wêreld, met kantore op alle vastelande behalwe vir Afrika.

The Capital Group Companies Inc.
Tipe	Privaat maatskappy
Gestig	1931
Hoofkantoor	Los Angeles, Kalifornië, Verenigde State
Sleutelpersone	Jonathan Bell Lovelace (stigter)
Gebied bedien	Wêreldwyd
Industrie	Finansiële dienste
Werknemers	7 000
Webwerf	capitalgroup.com

Capital bied 'n verskeidenheid finansiële dienste aan, waaronder meer as veertig wedersydse fondse wat deur die dogteronderneming American Funds verskaf word, afsonderlik bestuurde portefeuljes (of kollektiewe beleggingstrusts), private ekwiteit, beleggingsdienste vir hoë-waarde-beleggers in die Verenigde State en 'n verskeidenheid dienste wat op institusionele en individuele beleggers dwarsoor die wêreld gemik is.

Een van die onderneming se bekendste senior uitvoerende beamptes is Philip John May, die eggenoot van die Britse eerste minister Theresa May.