Carel Boshoff IV
Carel Boshoff (IV), gebore in Pretoria, is 'n Suid-Afrikaanse politikus, Afrikaner, die seun van Carel Boshoff, kleinseun van Hendrik Verwoerd en 'n lid van die Vryheidsfront Plus. Hy is 'n stigter van Orania en was tussen 2007 en 2019 die voorsitter van die Orania Beweging.[1][2]
Carel Boshoff (IV) | |
|---|---|
 | |
| Gebore | Carel Willem Hendrik Boshoff 1963 |
| Nasionaliteit | Suid-Afrika |
| Beroep | Politikus, joernalis, skrywer |
| Bekend vir | Stigter van Orania |
| Politieke party | Vryheidsfront Plus |
| Eggenoot | Anje Strik |
Biografie wysig
Boshoff het afgestudeer in die teologie, in filosofie en in geskiedenis. Hy het met sy proefskrif 'n doktorsgraad in geskiedenis verwerf. Sy proefskrif is later onder die titel Afrikaners na Apartheid gepubliseer.
In die vroeë 1990's het hy saam met sy pa, sy familie en sy kinders na Orania getrek om 'n Volkstaat met Afrikaner selfbeskikking op te rig in die konteks van die grondwetlike onderhandelinge in Kempton Park.
In 1994 het hy deelgeneem aan die stigting van die Vryheidsfront en is hy aangestel as 'n permanente lid van die Volkstaatraad.
Hy is daarna verkies in die Orania Verteenwoordigende Raad en die Orania Dorpsraad en is aangestel as uitvoerende hoof van die Orania Beweging. Boshoff het 'n deurslaggewende rol gehad in die ontwikkeling van Orania se bestuur tot 'n ware munisipale raad.
Aan die einde van 2001 is hy verkies tot die provinsiale raad van die Noord-Kaap.
In Februarie 2003 is hy verkies as die provinsiale leier van die Vryheidsfront in die Noord-Kaap.
Boshoff het op 25 Mei 2019 bedank as hoof van Orania se burgerraad weens korrupsiebewerings, wat hy ontken het.[2]
In die verlede was Boshoff ook 'n joernalis by Beeld, 'n aanbieder van die TV-program Dwarsklap op KykNET, 'n lid van die Groep van 63, en die president van die "Afrikanervryheidstigting".
Carel Boshoff IV is getroud met Anje Strik. Hulle woon in Orania.
Publikasies wysig
- NP van Wyk Louw en die derde Afrikaner, FAK[3]
Sien ook wysig
Verwysings wysig
- ↑ "The return of the right and the coming of the volkstaat". News24 (in Engels). 23 Januarie 2019. Geargiveer vanaf die oorspronklike op 8 April 2020. Besoek op 3 April 2020.
- ↑ 2,0 2,1 Van Zyl, Ané (25 Mei 2019). "Carel Boshoff bedank as hoof van Orania se burgerraad". Netwerk24. Besoek op 10 Mei 2022.
- ↑ "Skakel in vir aanlyn gesprek oor Van Wyk Louw, derde Afrikaner". Maroela Media. 18 Junie 2020. Besoek op 18 Junie 2020.
Eksterne skakels wysig
| Wikimedia Commons bevat media in verband met Carel Boshoff IV. |
- Orania se leiers Geargiveer 29 November 2017 op Wayback Machine