Charlotte van den Broeck

Charlotte Van den Broeck (gebore in 1991 in Turnhout) is 'n Vlaamse digteres. Nadat sy 'n diploma in taal- en letterkunde behaal aan die Universiteit van Gent (UGent) studeer sy woordkuns aan die Koninklijk Conservatorium Antwerpen.

Charlotte van den Broeck
Gebore	1991
Nasionaliteit	België
Beroep	skrywer, digter

Van den Broeck was in 2013 een van die top honderd inskrywings vir die Turing Gedichtenwedstrijd. Sy is deel van die Turnhoutse Collectief Dichterbij.

In Januarie 2015 verskyn haar debuutbundel getiteld Kameleon by De Arbeiderspers met beeldende, verhalende gedigte. Op Gedichtendag in 2016 (dit val altyd op die laaste Donderdag van Januarie) word die Herman de Coninck-debuutprys aan haar toegeken.

Haar debuutbundel is deur Dr. Daniël Hugo in Afrikaans vertaal en deur Protea Boekhuis onder 'n gelyknamige titel gepubliseer.

In Oktober 2016 was sy die jongste gas(land)spreker ooit saam met Arnon Grunberg tydens die opening van die Frankfurter Buchmesse. Haar tweede digbundel, Nachtroer, verskyn aan die begin van 2017 en is aan die einde van dié jaar genomineer vir die 24ste, en laaste, VSB Poëzie-prys. In 2019 word die bundel bekroon met die Paul Snoek-prys.

Op 1 Oktober 2019 verskyn haar prosadebuut getiteld Waagstukken by De Arbeiderspers. Hierdie portret van dertien argitekte wat selfmoord pleeg is in 2020 bekroon met die Confituur Boekhandelsprijs. In September 2020 is die boek genomineer vir die Boekenbon Literatuurprijs.

In September 2020 publiseer Van den Broeck die boek Woorden temmen: van kop tot teen in samewerking met die Nederlandse poësiekritikus Jeroen Dera.

Werke

• 2015: Kameleon, De Arbeiderspers Uitgewers, ISBN 978-90-295-3843-5. In Afrikaans vertaal deur Dr. Daniël Hugo.
• 2017: Nachtroer, De Arbeiderspers Uitgewers, ISBN 978-90-295-1021-9
• 2019: Waagstukken, De Arbeiderspers Uitgewers, ISBN 978-90-295-3966-1
• 2020: Woorden temmen: van kop tot teen