Chondrule

'n Chondrule (van die antieke Griekse χόνδρος chondros, "korrel") is 'n ronde korrel wat in 'n chondriet voorkom. Chondrules vorm as gesmelte of deels gesmelte druppels in die ruimte voordat hulle deur 'n asteroïde aangetrek word.

Omdat chondriete een van die oudste soliede materiale in die sonnestelsel^[1] en vermoedelik die boustene van die planeetstelsel is, is 'n begrip van die vorming van chondrules belangrik om die aanvanklike ontwikkeling van die planeetstelsel te verstaan.

Omvang en grootte wysig

Verskillende soorte van die klipperige, niemetaalagtige meteoriete wat chondriete genoem word, bevat verskillende hoeveelhede en groottes chondrules. Oor die algemeen bevat koolstofdraende chondriete die kleinste persentasie chondrules (volgens volume), insluitende die CI-chondriete, wat geen chondrules bevat nie al word hulle chondriete genoem, terwyl gewone en enstatietchondriete die meeste bevat. Omdat 80% van die meteoriete wat die Aarde tref gewone chondriete is, en omdat gewone chondriete 60-80% chondrules bevat, bestaan die grootste deel van die meteorietmateriaal wat die Aarde tref (uitgesonder stof), uit chondrules.

Chondrules kan in deursnee wissel van 'n paar mikrometer tot meer as 1 cm. Hulle is die kleinste in CH-, CM- en CO-chondriete, van gemiddelde grootte in CR-, CV-, L-, LL- en R-chondriete en die grootste in sommige CB-chondriete.^[2]

Verwysings wysig

↑ Connelly, J. N.; Bizzarro, M.; Krot, A. N.; Nordlund, A.; Wielandt, D.; Ivanova, M. A. (2012). "The Absolute Chronology and Thermal Processing of Solids in the Solar Protoplanetary Disk". Science. 338 (6107): 651–55. Bibcode:2012Sci...338..651C. doi:10.1126/science.1226919. PMID 23118187.
↑ Weisberg et al. (2006) "Systematics and Evaluation of Meteorite Classification". In Meteorites and the Early Solar System II, 19–52 (D.S. Lauretta en H.Y. McSween, reds.), University of Arizona Press

Skakels wysig

Wikimedia Commons het meer media in die kategorie Chondrule.

Hierdie artikel is in sy geheel of gedeeltelik uit die Engelse Wikipedia vertaal.

[Connelly2012-1] Connelly, J. N.; Bizzarro, M.; Krot, A. N.; Nordlund, A.; Wielandt, D.; Ivanova, M. A. (2012). "The Absolute Chronology and Thermal Processing of Solids in the Solar Protoplanetary Disk". Science. 338 (6107): 651–55. Bibcode:2012Sci...338..651C. doi:10.1126/science.1226919. PMID 23118187.

[2] Weisberg et al. (2006) "Systematics and Evaluation of Meteorite Classification". In Meteorites and the Early Solar System II, 19–52 (D.S. Lauretta en H.Y. McSween, reds.), University of Arizona Press

[1]

[2]