Christopher Walken
Ronald Walken (gebore op 31 Maart 1943), professioneel bekend as Christopher Walken, is ’n Amerikaanse akteur en regisseur.
| Christopher Walken | |
| |
Christopher Walken in 2008.
| |
| Geboortenaam | Ronald Walken |
|---|---|
| Geboorte | 31 Maart 1943 |
| Aktiewe jare | 1952-tans |
Loopbaan wysig
As kind het Walken in verskeie televisierolle as ’n ekstra verskyn.[1] Sy eerste rol was in 1953 in die TV-program The Wonderful John Acton as die verteller. Hy het erkenning gekry onder die naam "Ronnie Walken".
In 1964 het hy sy naam na "Christopher" verander.[2] Hy het sy rolprentdebuut gemaak in ’n klein rol teenoor Sean Connery in The Anderson Tapes. In 1972 het hy sy eerste werklike rol gekry in The Mind Snatchers. In Woody Allen se 1977-prent Annie Hall speel hy Annie (Diane Keaton) se mallerige broer. In 1978 was hy in die western Shoot the Sun Down. Vir sy rol in die 1978-drama The Deer Hunter het hy ’n Oscar vir beste manlike byspeler gekry.[3]
Walken het sedertdien in sowat honderd rolprente en TV-programme verskyn, onder meer The Prophecy-reeks (1995-2005), The Dogs of War (1980), Brainstorm (1983), The Dead Zone (1983), A View to a Kill (1985), Pulp Fiction (1994), Catch Me If You Can (2002), Hairspray (2007) en Seven Psychopaths (2012). Hy het verskeie pryse gewen.
Sy debuut as regisseur was in 2001 met die kortfliek Popcorn Shrimp. In 1995 het hy ’n toneelstuk oor Elvis Presley geskryf met die titel Him, waarin hy ook die hoofrol speel.[4]
Verwysings wysig
- ↑ Uit Inside the Actors Studio, 1996
- ↑ "Christopher Walken: The Song and Dance Man" (in Engels). Celebrating Christopher Walken. Geargiveer vanaf die oorspronklike op 19 Oktober 2016. Besoek op 13 Februarie 2016.
- ↑ "Awards for Christopher Walken" (in Engels). Internet Movie Database. Geargiveer vanaf die oorspronklike op 30 April 2019. Besoek op 24 Julie 2006.
- ↑ Michael Feingold. "Him by Christopher Walken". The Village Voice (in Engels). Geargiveer vanaf die oorspronklike op 5 Maart 2016. Besoek op 25 Maart 2007.
Eksterne skakels wysig
Wikimedia Commons het meer media in die kategorie Christopher Walken.
