Maak hoofkeuseskerm oop

Diane Keaton (gebore as Diane Hall,[1] * 5 Januarie 1946 in Los Angeles, Kalifornië) is ’n Amerikaanse aktrise, regisseur, draaiboekskryfster en vervaardiger. Benewens haar aktiwiteite in die vermaakbedryf is sy ook ’n fotograaf, eiendomsontwikkelaar, skryfster en soms sangeres. As beskermdame van kunste stel sy besondere belang in argitektuur en fotografie. Sy is die uitgewer van verskeie boeke oor fotografie. Tans dien sy as direkteur in die Board of Directors (bestuursraad) van die Los Angeles Conservancy, 'n organisasie sonder winsoogmerk wat op die bewaring van Los Angeles se historiese argitektoniese en kulturele erfenis fokus.[2][3]

Diane Keaton
'n Beeld van die betrokke persoonlikheid.
Diane Keaton in 2011

Geboortenaam Diane Hall
Geboorte 5 Januarie 1946 (1946-01-05) (73 jaar oud)
Los Angeles, Kalifornië
Nasionaliteit Verenigde State van Amerika
Beroep(e) Aktrise, regisseur, vervaardiger, skryfster
Aktiewe jare 1968-tans
Webwerf dianekeaton.com

Keaton het in Beverly Hills gewoon voordat sy haar nuwe huis in Los Angeles in samewerking met die argitekte-ateljee Cynthia Carlson Associates, Inc. ontwerp het.[4] Die projek, wat in 2017 voltooi is, is in Diane Keaton se boek The House that Pinterest Built gedokumenteer.

LoopbaanWysig

 
Keaton saam met Woody Allen en Jerry Lacy in die toneelstuk Play It Again, Sam, wat later verfilm is.

Keaton, wat as Diane Hall gebore is en haar ma se nooiensvan gebruik,[5] het haar verhoog- en rolprentloopbaan in 1970 begin nadat sy voorheen onder meer in nagklubs gesing het. Haar eerste groot fliekrol was as Kay Adams-Corleone in The Godfather (1972), maar die prente wat haar vroeë loopbaan gevorm het, was dié van die regisseur en mede-akteur Woody Allen. Die eerste was Play It Again, Sam in 1972, en daarna het Sleeper (1973) en Love and Death (1975) gevolg. Dié prente het haar as ’n aktrise in komedierolle gevestig. Vir haar vierde prent saam met Allen, Annie Hall (1977), het sy die Oscar vir beste aktrise gewen.

Keaton het daarna haar aanslag verander om te keer dat sy net Annie Hall-soort rolle kry. Sy het in 1977 in Looking for Mr. Goodbar gespeel en daarna Oscar-benoemings gekry vir Reds (1981), Marvin's Room (1996) en Something's Gotta Give (2003). Van haar ander gewilde prente sluit in Baby Boom (1987), Father of the Bride (1991), The First Wives Club (1996) en The Family Stone (2005).

VerwysingsWysig

  1. Philip French. "Then Again: A Memoir by Diane Keaton – review". the Guardian. Besoek op 7 Oktober 2015. 
  2. LA Conservancy: Board of Directors 2017-18. Besoek op 27 Mei 2018
  3. Tim Street-Porter (red.): Los Angeles. Photographs by Tim Street-Porter. Introduction by Diane Keaton. New York, NY: Rizzoli International Publications 2008, omslagteks
  4. Cynthia Carlson: Diane Keaton RRR Residence. Besoek op 27 Mei 2018
  5. Dominic Dunne. "Hide and Seek with Diane Keaton". Vanity Fair . Februarie 1985.

Eksterne skakelsWysig