Claude Émile Jean-Baptiste Litre

Claude Émile Jean-Baptiste Litre is 'n fiktiewe karakter wat in 1978 deur Kenneth Woolner van die Universiteit van Waterloo as 'n grap geskep is om die gebruik van 'n hoofletter L vir die liter eenheid te regverdig.

Die SI-stelsel laat gewoonlik die gebruik van 'n hoofletter slegs toe wanneer 'n eenheid na 'n persoon vernoem is.^[1] Dit is egter dikwels moeilik om tussen die karakter "l" en die syfer "1" te onderskei, veral in sekere lettertipes of handskrifstyle, en daarom word beide die kleinletter (l) en die hoofletter (L) toegelaat. Die Amerikaanse Nasionale Instituut van Standaarde en Tegnologie beveel deesdae die gebruik van die hoofletter L aan,^[2] 'n praktyk wat ook in Kanada en Australië wyd gevolg word.

Woolner het die karakter geskep in 'n grapartikel op April-gekkedag in die April 1978-uitgawe van "CHEM 13 News", 'n nuusbrief wat gemik is op chemie vir skoolonderwysers. Volgens die artikel is Claude Litre op 12 Februarie 1716 gebore, die seun van 'n wynbottel vervaardiger. Tydens Litre se uiters glorieryke fiktiewe wetenskaplike loopbaan, sou hy 'n volume maateenheid voorgestel het wat na sy dood in 1778 opgeneem is in die Internasionale Stelsel van Eenhede.

Die storie is verkeerdelik as 'n feit weergegee in die IUSTC tydskrif Chemistry International, en daarna teruggetrek.^[3]

Verwysings wysig

↑ "BIPM – Table 6" (in Engels). Geargiveer vanaf die oorspronklike op 20 Augustus 2013.
↑ Non-SI units accepted for use with the SI by the CIPM – NIST [en]
↑ "Ariadne"^{[dooie skakel]} New Scientist, 8 October 1984

Herdrukke van artikels oor die Liter grap. Geargiveer 5 Maart 2018 op Wayback Machine

[BIPM-1] "BIPM – Table 6" (in Engels). Geargiveer vanaf die oorspronklike op 20 Augustus 2013.

[2] Non-SI units accepted for use with the SI by the CIPM – NIST [en]

[3] "Ariadne"^{[dooie skakel]} New Scientist, 8 October 1984

[1]

[2]

[3]