Clint Brink
Clint Brink (* 29 September 1980, Paarl) is ’n Suid-Afrikaanse akteur.
| Clint Brink | |
| Geboorte | 29 September 1980 Paarl, Kaapland |
|---|---|
| Nasionaliteit | Suid-Afrika |
| Beroep(e) | Akteur |
| Aktiewe jare | 1999–hede |
Hy het op sy geboortedorp Paarl grootgeword en skoolgegaan aan die Hoërskool New Orleans. Reeds van kleins af het hy ’n begeerte gehad om op die verhoog op te tree. Nadat hy sy skoolloopbaan voltooi het, het hy aan die City Varsity in Kaapstad ingeskryf om film en video te studeer. Tydens sy studie het hy aan talle kort en onafhanklike rolprente gewerk. In 1999, toe hy 19 jaar oud was, het sy eerste deurbraak gekom toe hy, nadat hy afstudeer het, ’n oudisie afgelê het vir ’n rol in die fliek Gangsters and dancers. Dié fliek is gekanselleer voor dit vervaardig kon word, maar dit het gelei tot ’n oudisie vir die TV-reeks Backstage, waarin hy die rol van Shaun Jacobs losgeslaan het.
Ná drie suksesvolle jare by Backstage, het hy oorgeskuif na die sepie Generations, waarin hy die bendelid Bradley Paulse gespeel jet. Intussen het hy in 2011 ook in die SABC2-verskiedenheidskomedie Colour TV opgetree. Van sy fliekrolle sluit dié in Dollars and white pipes, Swop! en Mega Python vs. Gatoroid in. In die kykNET-sepie Binnelanders speel hy dr. Steve Abrahams.
Hy is in 2016 in die Askariwildreservaat naby Magaliesburg getroud met Steffi van Wyk, Mej. Namibië 2015 en wenner van die Mej. Wêreld-sportuitdaging in dieselfde jaar.
Bronne
wysig- (en) OKMzansi. URL besoek op 16 Augustus 2016.