Clive Henry Crawley

Suid-Afrikaanse sakeman en atleet

Clive Henry Crawley (30 April 1931 - 8 Junie 2020) was professionele bankier en Comradesatleet wat die permanente nommer 1 gehad het.[1] Comrades atlete kry 'n permanente nommer nadat hulle tien Comrades wedlope voltooi het. Hy het sy eerste wedloop in 1957 voltooi, in 1998 sy 40ste wedloop voltooi en in 2000 sy 42ste en laaste wedloop voltooi. Hy was ook die eerste atleet wat 'n groen nommer gekry het vir die voltooiing van 40 wedlope. In sy loopbaan het hy een goue, 22 silwer- en 19 bronsmedaljes verower. Sy beste tyd is 6:11;19 wat hy in 1971 gehardloop het.

Hy is in Pietermaritzburg gebore maar het in Port Shepstone grootgeword. Hy het sy hele lewe lank vir die Standard Bank in Pietermaritzburg gewerk. Hy word oorleef deur sy vrou, Patricia; dogters Dianne en Wendy; seun Craig; skoonseun Paul; vier kleinkinders en een agterkleinkind.

Bron wysig

  • Comrades se nr.1-atleet groet ná 42 lopies, 89 jaar Rapport Weekliks, 14 Junie 2020

Verwysings wysig

  1. "argiefkopie". Geargiveer vanaf die oorspronklike op 2 Julie 2020. Besoek op 2 Julie 2020.