Pietermaritzburg
Pietermaritzburg (ook bekend slegs as Maritzburg) is die hoofstad van die provinsie KwaZulu-Natal, Suid-Afrika. Die stad, wat 596 meter bo seevlak in die hart van Zoeloeland lê, was oorspronklik die eerste hoofstad van die Boererepubliek Natalia. Desondanks het die stad vandag 'n sterk Britse voorkoms. Danksy die bewaring van sy historiese geboue word Pietermaritzburg dikwels as een van die mooiste Victoriaanse stede in Afrika beskryf.[4]
Pietermaritzburg | |
|---|---|
Stad | |
 Pietermaritzburg se stadsaal uit die jaar 1893 is na bewering die grootste baksteengebou in die Suidelike Halfrond. Die stadsaal is in 1895 deur 'n brand verwoes en in 1901 herbou. | |
| Byname: Maritzburg, PMB | |
| Leuse(s): "City of Choice"[1] (Stad van keuse) | |
  Pietermaritzburg Pietermaritzburg se ligging in KwaZulu-Natal | |
| Koördinate: 29°37′S 30°23′O / 29.617°S 30.383°O | |
| Land |  Suid-Afrika |
| Provinsie | KwaZulu-Natal |
| Distrik | Umgungundlovu |
| Munisipaliteit | Msunduzi |
| Stigting | 1838[2] |
| Regering | |
| • Burgemeester | Mzimkhulu Thebolla (ANC) |
| Oppervlak | |
| • Totaal | 126,15 km2 (48,71 vk. myl) |
| Bevolking (2011)[3] | |
| • Totaal | 223 448 |
| • Digtheid | 1 771/km2 (4 590/vk. myl) |
| Rasverdeling (2011) | |
| • Wit mense | 14,2% |
| • Indiërs/Asiërs | 8,4% |
| • Bruin mense | 6,9% |
| • Swart mense | 70,0% |
| • Ander | 0,5% |
| Taal (2011) | |
| • Zoeloe | 57,0% |
| • Engels | 28,9% |
| • Afrikaans | 4,2% |
| • Xhosa | 3,5% |
| • Ander | 6,3% |
| Poskode (strate) | 3180 |
| Poskode (posbusse) | 3180 |
| Skakelkode | 034 |
| Webwerf | Msunduzi-munisipaliteit |
Geskiedenis
wysig
Die eerste Voortrekkers, wat die gebied van die Midlands in 1837 bereik het, het hulle in die vrugbare heuwellandskap van die Umsindusirivier gevestig. Die dorp, wat hulle as die sentrum van die nuwe republiek Natalia gestig het, is vernoem na die Voortrekkerleiers Piet Retief en Gerrit Maritz en in 'n soort dreineringsruitpatroon aangelê. In 1839 is die dorp Pietermaritzburg amptelik geproklameer.[5]
Onder die Britte, wat in 1843 aan bewind gekom het, het Pietermaritzburg 'n administratiewe en militêre sentrum van die kolonie Natal geword. Die oorspronklike Voortrekkerpatroon het behoue gebly, tog het die Britte ook begin om kruisstrate aan te lê, terwyl arkades en lane vir die gebruik van voetgangers ontstaan het. Indiërs, wat deur die Britte as werkers na die gebied gebring is, gee die stad later ook 'n Oosterse inslag.
Tydens die Krieketwêreldbeker 2003 is Pietermaritzburg se Pietermaritzburg-ovaal vir twee wedstryde ingespan.
Besienswaardighede
wysig- Voortrekkerhuis is die enigste gebou uit die vroeë geskiedenis van Pietermaritzburg, wat bewaar is. Die gebou met twee verdiepings is gerestoureer en gee met sy geelhoutplafon en houtvloer 'n goeie indruk van die Voortrekkers se ambagskuns.
- Die Voortrekkermonument en die Geloftekerk is in 1838 ná die Voortrekkers se oorwinning oor die Zoeloes in die Slag van Bloedrivier opgerig. Die museum is in 1912 ingewy en vertoon onder meer 'n stoel van die Zoeloekoning Dingaan, wat van ysterhout gemaak is. Die gerestoureerde huis van die Voortrekkerleier Andries Pretorius lê langsaan die museum.
- Die Macrorie Huis behandel die Victoriaanse lewenstyl van die eerste Britse setlaars. Dit is oorspronklik die tuiste van biskop William Macrorie, wat hier in die tydperk tussen 1869 en 1891 gewoon het.
- Die Tatham-kunsgalery.
- Die Wêreldsig-terrein digby die ou Howickweg bied ’n pragtige blik op Pietermaritzburg en die Umsundusivallei.
Susterstede
wysig
Sien ook
wysigVerwysings
wysig- ↑ (en) "www.msunduzi.org.za". Geargiveer vanaf die oorspronklike op 22 Oktober 2017. Besoek op 12 Augustus 2010.
- ↑ (en) "Chronological order of town establishment in South Africa based on Floyd (1960:20-26)" (PDF). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 16 Januarie 2014.
- ↑ 3,0 3,1 3,2 3,3 "Hoofplek Pietermaritzburg". Sensus 2011.
- ↑ (af) Williams, Janet: Pietermaritzburg – Victoriaanse stad. In: Suid-Afrikaanse Panorama, volume 32, nommer 8 (Augustus 1987), bl. 48
- ↑ (af) Williams (1987), bl. 49
Eksterne skakels
wysig
Wikimedia Commons het meer media in die kategorie Pietermaritzburg.- (en) Toerisme-inligting oor Pietermaritzburg op Wikivoyage
- (en) Amptelike webwerf
