Coerney

Coerney is ‘n rivier en spoorwegstasie net noord van die dorp Addo op die spoorlyn van Gqeberha (voorheen Port Elizabeth) na die binneland.

Die halte is by die koördinate 33°27′27.3″S 25°43′20″O, in die Sondagsriviervallei in Sarah Baartman-distriksmunisipaliteit en 64 km van die stad op die spoorlyn wat deur die Addo-olifant Nasionale Park loop na Cradock en Rosmead.

Vroeë reisigers het die omgewing Hoender Craal genoem weens die aanwesigheid van so baie “parelhoenders”, die Nederlands vir tarentaal. Op 17 Mei 1752 besoek vaandrig August Beutler die kontrei. Sy dagboekskrywer Carl Haupt skryf dat die plaaslike bewoners dit ken as Koernoe, ‘n woord met die betekenis van “klein bos”. Dit het in die mond van die setlaars Coerney geword.

In Maart 1936 het ‘n trop olifante uit die park gekom en die stasie beset. Dit het tot groot konsternasie gelei en die treinverkeer vir ‘n tyd tot stilstand gedwing.

Bronne

• Boonzaaier, Boon: Spore oor die veld – ‘n spoorwegsafari deur Suider-Afrika. Warmbad: J.N.C. Boonzaaier, 2008. ISBN 978-0-620-41712-9
• Logie, Bartle: Sundays – Tales from a Wandering River. Port Elizabeth: Bluecliff. 2011. ISBN 978-0-9870017-2-6