Condoleezza Rice
Condoleezza Rice (gebore op 14 November 1954 in Birmingham, Alabama) was die 66ste Amerikaanse Minister van Buitelandse Sake (Engels: United States Secretary of State) en die tweede politikus wat hierdie amp in die regering van President George W. Bush beklee het. Rice is die eerste Afro-Amerikaanse vrou, tweede Afro-Amerikaanse politikus (na Colin Powell, haar voorganger wat in die tydperk tussen 2001 en 2005 as Minister van Buitelandse Sake gedien het) en tweede vrou (na Madeleine Albright, wat die amp tussen 1997 en 2001 beklee het) wat as hoof van die Departement van Buitelandse Sake gedien het.
| Condoleezza Rice | |
 | |
66ste Minister van Buitelandse Sake
| |
| Ampstermyn 26 Januarie 2005 – 20 Januarie 2009 | |
| Vise | Richard Armitage Robert Zoellick John Negroponte |
|---|---|
| President | George W. Bush |
| Voorafgegaan deur | Colin Powell |
| Opgevolg deur | Hillary Clinton |
20ste Nasionale Sekuriteitsadviseur
| |
| Ampstermyn 20 Januarie 2001 – 26 Januarie 2005 | |
| Vise | Stephen Hadley |
| President | George W. Bush |
| Voorafgegaan deur | Sandy Berger |
| Opgevolg deur | Stephen Hadley |
Provoos van die Stanford University
| |
| Ampstermyn 1993 – 1999 | |
| Voorafgegaan deur | Gerald Lieberman |
| Opgevolg deur | John Hennessy |
Persoonlike besonderhede
| |
| Gebore | 14 November 1954 Birmingham, Alabama |
| Politieke party | Republikein |
| Alma mater | University of Denver University of Notre Dame |
| Handtekening | 
|
Condoleezza Rice was President Bush se Raadgewer oor Nasionale Veiligheid tydens sy eerste ampstermyn (2001–2005). Voordat sy 'n pos in die Bush-administrasie beklee het, was Rice 'n professor in politieke wetenskap aan die Stanford-universiteit, waar sy tussen 1993 en 1999 as provoos gedien het.
In die regering van President George H.W. Bush het sy gedurende die ontbinding van die Sowjetunie en die Duitse hereniging ook die pos van Raadgewer oor Sowjet- en Oos-Europese Sake gedien. Sy het 'n uitstekende begrip van Russies en praat daarnaas ook Duits, Frans en Spaans.
Teen die begin van haar ampstermyn as Minister van Buitelandse Sake het Rice haar vir die vinnige demokratisering van die Midde-Ooste uitgespreek en 'n pioniersrol by die toepassing van haar Diplomasie van Verandering gespeel. Haar beleid, wat die Amerikaanse steun vir demokraties verkose regerings beklemtoon het, is met die oorwinning van die radikale Palestynse Hamas-beweging, wat 'n meerderheid van die uitgebragte stemme in die Palestynse gebiede op hom verenig het, alhoewel dit Islamitiese terreur teen Israel steun, 'n nekslag toegedien. 'n Ander vraagstuk was die voortgesette Amerikaanse steun vir nie-demokratiese stelsels in lande soos Egipte en Saoedi-Arabië. Nogtans het haar beleid en haar uitgesproke diplomatieke styl verseker dat sy in die media erkenning as 'n sterk leierfiguur gekry het.
Condoleezza Rice is in die jare 2004 en 2005 deur die tydskrif Forbes as die magtigste vrou ter wêreld geranglys en in 2006 as die tweede magtigste na die Duitse oud-bondskanselier Angela Merkel.
Eksterne skakels
wysig
Wikimedia Commons het meer media in die kategorie Condoleezza Rice.- Biografie op die Wit Huis se amptelike webwerf
